“Dylan!” Niyugyog ni Bea si Dylan na nakanganga pa sa lalim ng tulog. “Wake up, Dylan! Nasaan ba tayo?” Tiningnan uli ni Bea ang hawak na cellphone. Wala na ang kausap niya na si Liam. Pag tingin niya sa oras ay alas-sais ng umaga.
Tumayo siya at hinagilap ang damit. May kaunti itong dumi at mabilis na kinusot ni Bea sa banyo saka isinuot uli. Bandang tiyan lang naman at matatakpan na ng blazer ang basang parte. Pag labas sa bathroom ay ginising niya uli si Dylan. Pero hindi ito magising. Nagpasya na si Bea na iwan si Dylan.
Nang makarating sa apartment ay naabutan pa niya si Carla na nagkakape pero nakabihis na papasok sa opisina.
“Oh, Bea! Ang aga mo. Galing ka ba kina Sir?” Bungad ni Carla pagkakita kay Bea.
Biglang napaiyak si Bea at humagulgol. Naupo sa upuang malapit kay Carla
