Nang makauwi na si Bea sa apartment, iniisip niyang mabuti ang sinabi ni Dylan tungkol kay Liam. Hindi siya naniniwala sa kasal? Paano ako? Paano kami? Ano ang sasabihin ko kina mama at papa? Napahigpit ang kapit ni Bea sa kumot na parang doon makakakuha ng sagot.
Bago natulog si Bea, plinano na niya lahat ng pwedeng gawin para lang mapakasalan siya ni Liam. Hindi din naman niya hihiwalayan si Liam dahil mahal niya ito. Pero malapit na siyang mag-30, gusto din naman niyang bumuo ng pamilya hangga’t kaya pa ng katawan niya.
ARAW NG LUNES, nahirapan si Bea na sumakay ng bus papasok sa trabaho. Tinanghali siya ng gising kaya late na talaga siya. Naiwanan na nga siya ni Carla. Tayuan pa ang bus na nasakyan niya kaya inis na inis si Bea.
Pagkadating sa opisina ay nakasimangot ito at gulo
