"Heaven, please..." ani Christian na nasa likuran ko na. Hinarap ko siya at nagulat nang higitin niya ako sa braso.
"Bitawan mo 'ko!" Pilit akong nagpumiglas. Hindi siya ganito. He never used force to me. Hindi niya ako pipilitin kung ayaw ko. Sa ginagawa niya ay unti-unti akong namumulat sa katotohanang marami na ngang nagbago. Hindi lang ako. Hindi lang sa akin.
"Christian, ano ba!" Saktong pagkakawala ko ay bumukas ang pinto sa dulo. Salubong ang kilay sa amin ng lalaking hindi ko kilala.
"I'm sorry. I'll bring her back to her room," si Christian bago pa makapagsalita ang lalaki.
Sinarado ng lalaki ang pintuan. "Naririnig kayo ni Sir Reves. Gusto niyang pumasok kayo sa loob."
Christian held my arm. Ramdam ko agad ang panlalamig doon. "Hindi na kailangan. We'll—" Natigilan siya na
