Pagkababa namin ng kanyang sasakyan ay naroon pa rin ang tensyon. Halos walang emosyon ang kanyang mukha nang ipinulupot n'ya ang kanyang braso sa aking baywang.
His mom is already waiting for us. Bahagyang nakatakip ang kanyang mga kamay sa kanyang mukha upang itago ang emosyon. Papalapit kami ay kita ko ang saya at pananabik ni Madame Cara sa kanyang anak.
Tipid akong ngumiti dahil doon. Simula kagabi, ramdam ko na hindi pa rin sang-ayon sa hiling ko na ito si Race. Pero dahil hindi naman s'ya nagrereklamo, hindi ko na tinanong kung ayos lang sa kanya. Ayaw ko ring magbago pa ang desisyon n'ya lalo na dahil ito talaga ang gusto kong mangyari.
Nang tuluyan kaming makalapit ay saka namin nakita ang paglabas din ni Sir Vaughn para salubungin ang anak. Nagtama ang paningin namin ni Madame
