"Ilang linggo pa palang tatagal ang set up na ito?" alangang tanong ko habang pinagmamasdan si Austin na salubong ang kilay sa kaharap na laptop.
Tatlong linggo ng ganito. Yes, umabot pa ng tatlong linggo. Ako na itong nagpaparaya tutal ay may kasalanan din naman ako. Mas mabuting pagbigyan na muna ang gusto n'ya para hindi na magmatigas pa. Kahit ayaw ko naman talaga ay wala akong magagawa. We have talked about this. Sinabi n'yang ito ang magsisilbing trabaho ko habang pinag-iisipan n'ya ang tungkol sa kontrata.
Natutuwa naman ako na hindi na n'ya muli pang binanggit ang tungkol sa kasal. No matter how much I want to make sure about what he really meant by asking me a marriage, I still don't think it's the right time for me to know. Pakiramdam ko ay masyadong nagiging mabilis ang lahat
