بنوتات اصدقاء

مقدمه صغيره عن الروايه . . قصه صداقه تنشا بسبب الدراسه والمدارس والجامعات . . . هذه القصه و الروايه تتعرض لها الكثير من الفتيات والفتيه . . . ان تذهب الي المدرسه او دروسهم و هم يكونون احلي صداقه ويعيشون احلي فترات في حياتهم . . . فاهلا ومرحبا بهذه الصداقه . . . و لكن لابد ان نفهم ونعي للمفهوم الصحيح لهذا المعني . . وننتقي اصدقائنا بعنايه فائقه . . . لانهم هم مرأه انفسنا . . . تدور احداث القصه عن خمس فتيات تجمع بينهم علاقه صداقه هما في المرحله الثانويه و علي اعتاب الانتقال الي المرحله الجامعيه و كيف ستتغير حياتهم عند الانتقال الي الجامعه هكذا ما سنعرفه سويا عند قراءه الروايه . . . كل فتاه من الخمس فتيات حياتها مختلفه عن الاخري و طريقه تربيتها و تفكيرها لنرى سويا كيف تعلمهم الحياه و ماذا سيكون نصيب كل فتاه منهم * * * بدايه نتعرف علي ابطال قصتنا الخمس فتيات و هن ( آيتن و رهف و ريتاج و ولاء و فاطمه ) و سوف اعطيكم ملخص بسيط عن كل فتاه فيهم قبل بدأ سرد الحكايه ****اولا آيتن ؛؛ هي فتاه خمريه اللون متوسطه الجمال علي قدر عالي من الذكاء ، و لكن كانت دائما تشعر انها اقل جمالا من الاخريات بين زميلاتها و كلما نظرت الي المرأه كانت تقول لنفسها ان باقي زميلتها اجمل منها و انها الاقل جمالا ، اما بالنسبه للنشأه فقد نشأت في بيت غير مستقر اسريا به الكثير من المشكلات و حياتها داخل منزلها كانت تتهرب منها كثيرا و لا تشعر باهتمام احد من افراد اسرتها لها ، . . . كل هذه الظروف التي تعيش بها ايتن تجعلها حقا تمر بحاله نفسيه سيئه . . * * * ثانيا رهف . . . فتاه بيضا اللون علي قدر عالي من الجمال و بل كانت اجمل الفتيات الخمس و كانت تشعر بجمالها الفاتن و لديها ثقه كبيره بنفسها ، اما بالنسبه للنشأه فقد نشأت في بيت مستقر الي حد ما به بعض المشاكل البسيطه التي تعيشها معظم الاسر و البيوت و كان والدها يدللها و دائما ما يخاف عليها و كانت تتحمل مسؤليه البيت مع و الدتها اما بالنسبه للحاله الماديه فهمي من متوسطي الحال . . . و كانت تسكن بالقرب من آيتن في منطقه متوسطه ايضا . . سوف نقوم بسرد باقي الاحداث و التفاصيل في الحلقه القادمه اتمني تنال اعجابكم و دعمكم . . . . . . . مع تحياتي الكاتب احمد ✍? لو عجبكم البارت اتمني تتابعوني ? *** ذهبت رهف الي المطبخ لتساعد والدتها في تحضير الطعام وتحدثت اليها خالتها ناديه : رهف بقي شاطره في عمال المطبخ ولا لسه مش عارفه رهف : بساعد والدتي في كل حاجه يا خالتو ...انا الكبيره بتاعتها ولازم اساعدها وارياحها طبعا ..ودا مخليني عارفه حاجات كتير عن شغل المطبخ والاكل ناديه : جدعه وشاطره ايوا كده ...مش بنات اليومين دول ما يعرفوش اي حاجه عن الطبيخ والاكل لما يفتحوا بيت ازاي هيعيشوا دول رهف : بيتعلموا يا خالتو ..كل حاجه بتيجي بالتعليم والتدريج ..يعني هي الشاطره والي شيف في مطبخها دي طلعت لقت نفسها كده ..بالعكس بالتعليم واحده واحده عرفت كل حاجه ناديه : امم صح برضه بس الي متعلمه قبل الجواز احسن كتير من الي لسه هتيجي وتتعلم في جوزها رهف : بالعكس والله يا خالتو ..انا شايفه الموضوع حلو جدا للي لسه مش متعلمين الاكل ..هتتعلم وتجرب مع جوزها وكل اكله هيبقي ليها لمسه معاها وضحكه وموقف جميل وياه . . . . ناديه : بتعرفي تتكلمي يا رهف وبتغلبيني بالكلام رهف : ما اقدرش والله يا خالتو ..دا انتي الخير والبركه وكلامك نستفيد منه برضه ناديه : تسلمي يا حببتي ونعمه التربيه عرفتي تربي يا ام رهف ام رهف : رهف دي اسم علي مسمي ...مشاعرها واحساسها سابقها ..عمرها ما تلقيني تعبانه وتكسل عن مساعدتي وخدمتي ابدا ..قلبها عليا حببتي ربنا يخليهالي ...بيجلها عرسان كتير بس ديما بترفض مش عارفه ليه كده ناديه : خليها لسه نصبها مجاش ...بس اوعى تكون في حد علي بالها ولا في قلبها ومشاغلها ..سيبك من شباب اليومين دول بيضحكوا علي البنات ويتسلوا وبس مش بتوع جواز رهف : انا مش بتاعه الكلام دا يا خالتو ..انا طالعه من بيت محترم واعرف ربنا كويس ..بس فعلا في بنات بتنساق ورا الشباب بدافع الحب وبتصدقه ..ومعظم الشباب للاسف الا من رحم ربي بيضحكوا عليهم ويتسلوا بيهم ناديه : جدعه وشاطره وواعيه يا رهف ..لا وكمان جميله جمال طبيعي وزي القمر زي ما قالولي بالظبط رهف : تسلمي يا خالتو من زوقك ام رهف : هما مين دول الي قالولك يا ناديه ..وانتي جايه لسبب معين ولا ايه انا مش فاهمه ناديه : دا اخوكي يا ام رهف ..جبنا سيرتك وقالي انه سمع ان عندك بنوته زي القمر علي وش جواز ...مالك يا ام رهف انتي زعلانه اني جتلك يا حببتي ولا ايه ام رهف : لا يا ناديه ..بس فكرتك جايه لسبب معين فبسألك عليه ..حصل خير يا حببتي وشرفتيني ونورتيني طبعا *** بعد اعد اعدوا الطعام وتناولوا وجبه الغدا وتسامروا وبدأت رهف تشعر بان محمد يراقبها بعينيه طوال حركتها داخل الشقه ...وبدأت تنشغل به ..ولكن ظلت تظهر انها لا تبالي ...فكان ذالك يذيد من تعلق محمد لها ...ورهف ايضا تعلقت به علي الرغم ان حالته الماليه سيئه للغايه وان عمله اجره باليوميه ولا يعمل بشهادته ..بل يعمل صنايعي في ورشه صغيره وباليوم ....الا انها اعجبت به وبمظهره وتغاضت عن حالته الماليه ..وقالت لنفسها انها سوف تعمل وتسانده ..لعل خال اسرتها الماديه بسبب ان والدتها لا تعمل ....وطوال فتره اقامه خالتها لديهم وهي تتحدث كل يوم هي ومحمد علي فترات قصيره جدا عن حياه كل منهم قبل معرفه الاخر ويحاول كل منهم ان يعرف الاخر ويجمع صوره كامله عن الشخصيه التي امامه *** الي ان جاء يوم رحيلهم صباحا وجهزا شنطهم وتناولوا وجبه الافطار سويا وتبقي ساعه علي موعد قطارهم ..فظلوا يتسامروا الي ان يحين موعدهم ...وطلب محمد من رهف رقم هاتفها واعطته له رهف محمد : ممكن اخد رقم تلفونك يا رهف ...لو حبيت اطمن عليكي بعد كده ...انا مش عارف ليه هما قطعين العلاقات بنهم من زمان كده ....انا اصلا والدتي لما كلمتني انها عاوزه تروح لاختها ..انا فوجئت ان عندها اخت اساسا ...هما غلطانين ان ماكنوش بيسالوا علي بعض ....تسمحيلي ابقي اطمن عليكي من وقت للتاني رهف : اكيد طبعا يا محمد انت زي اخويا بالظبط ...وابن خالتي وحقك اكيد تكلمني علي الاقل تفكر خالتو تكلمنا كل شويه وانا ديما هخلي والدتي تتصل تطمن علي مامتك برضه ..المفروض انهم اخوات وبنات كمان ومالهمش غير بعض ...انا كمان مستغربه ازاي يقطعوا صلتهم بيها كل دا ..كل ما كنت بسال امي بتقولي علشان المسافه بعيده قوي كانوا بيجوا في الاول وواحده واحده بطلوا يجوا خالص ....بس انا كان ديما ردي عليها اومال هما عملوا التلفونات ليه ...هما مش عاملين التلفونات دي علشان الناس تطمن علي بعض وتسهل المسافات ...يالا حصل خير ...واكيد ربنا ليه حكمه في كده