TASK 41: Confronting
Ikinagulat at ipinagtataka ni Nico ang biglaang pagsulpot ng manager niya sa kaniyang unit. Mukhang galing pa ito sa trabaho at nagpunta kaagad dito.
"Where's Kyra?" Tanong kaagad ni Maj.
"Sinundo si Alice. Bakit napasugod ka dito? Bakit mo siya hinahanap?" Pansin niya sa manager. May kung anong bagay ang kinaiinisan niya tuwing hinahanap ni Maj si Kikay.
"Mag-usap tayo." Seryoso namang sagot ni Maj sa kaniya.
"Ano bang problema? Papayagan mo na ba akong mag-stay sa US para mag-aral ng filming?"
Matagal nang gusto ni Nico ang mag-aral sa Amerika para maging mahusay na direktor. Simula nang mapasok siya sa industria ng pag-arte, nagkainteres na siya kaagad sa pagiging direktor. Kung minsan pag may time siya ay nagpapaturo siya sa mga sikat na dir
