❤ساندي❤

الشخصيات : - ساندي ،،،، علي ،،،، سميره ،،،،، رهف ،،،،، وائل ،،،،،الحاجه نعمه ؛؛؛؛ سمير ،،،،،، معتز ،،،، الاستاذ صلاح ؛؛؛؛؛ الاستاذ عماد ،،،،، شهد ،،،، احمد ،،،،، اولا ساندي : بطله قصتنا والتي نحكي حكايتها ....حكايه تكاد ان تحدث لمعظم الفتيات ...فهي حياه بسيطه عاديه ..وتحول حياتها من اللاشئ الي حياه ذات قيمه ومعني ... **** وصف المشهد فان بيتها واااسع وكبير وحالتهم الاجتماعيه والماليه عاليه ...الا ان هذا البيت الكبير كان فارغ ليس به الا ساندي ووالدتها سميره ووالدها علي ..... وهذا سبب كان يزعج ساندي جدااا انها تعيش بمفردها وليس لديها اخوات او اخوه ....وكثيرا ما تشعر بالاكتأب .... كانت والدتها تدللها ..ودائما لم ترغمها علي شئ وتشعرها انها ما زالت صغيره ..وانها لا تستطيع تحمل اي مسؤليه مهما كانت هذه المسؤليه تافهه ...فكانت سميره مسؤله عن طلبات ساندي كليااا كليااا تحضر لها كل طلباتها وهي جالسه في مكانها ...مما اثر بالسلب علي شخصيه ساندي ...الا ان حدث موقف قررت سميره وقتها ان تتوقف عن تلك المعامله مع ساندي ...وبتحفيز من والد ساندي استطاعت سميره ان تغير هذه الصفه في ساندي ...واصبحت ساندي تساعد كل من في البيت ونفسها اولا ..وتحب ذالك ...وتمنت انها عندما تتزوج تنجب ابناء كثيره ..كي لا يشعر احدهم بالوحده مثلما شعرت هي طوال حياتها ...وتتغير الاحوال في حياتها بين الحين والاخر ..ويتضح نضج عقل ساندي وذكائها في اختيار زوجها ..عندما تقدم لها شاب لخطبتها ورفضت ذالك ولم تنبهر بالماديات والمرتكز وركزت علي الاصل والجوهر بداخل الشخص الذي سوف تتزوجه ***** سميره : والده ساندي ...وهي يقع عليها دور وعامل كبير في تكوين شخصيه ساندي السابقه .... فكانت تخاف عليها وتدللها لانها ابنتها الوحيده ... وجعلت كل طلباتها متاحه لها .... وتحدت زوجها وعاندته عندما كان ينصحها دائما بان تغير اسلوبها وطريقه تربيتها لابنتهما ساندي ...ولكن الام سميره كانت تفكر بقلبها لا بعقلها ... وعندما تغيرت الاحداث وكبرت ساندي جنت الام ما زرعته في ابنتها ..فرفضت ساندي مساعدتها ...وبدأت تتكاسل عن طلباتها البسيطه والتافهه واعتمدت علي سميره في كل شئ الي ان قررت سمير تغير تلك المعامله وحدث خلاف بينهما ..ومن يومها وسميره تجعلها تساعدها في كل شئ وتغيرت ساندي معها ...وايقنت سميره ان زوجها كان دائما ولطالما كان علي حق في نصيحته ورائيه بشان التربيه . . . . علي : والد ساندي اب حنون وكل شئ ويخاف علي ابنته ولكنه ...عكس سميره فهو يفكر بعقله لا بقلبه ..ويفكر في مصلحه ابنته وسعادتها ..لا في الدلال وجعلها إتكاليه علي غيرها .... كانت تحزن ساندي منه كثيرا ..وظلت لوقت انه لا يحبها .. بسب كثره خلافه مع والدتها ..بان تغير معاملتها ..وان تجعلها تخدم نفسها فهي لبست صغيره ..فكانت ساندي تنظر الي هذا الحديث علي انه ليس حبا من والدها ولا اهتماما ...الي ان نضجت وفهمت ألامور والاحداث علي حقؤقتها ..و علمت حقا انه كان يحبها ويدللها ولكن يريد كل شئ بحساب ...فالاكثار او التقليل من الشئ يقلب لضده .... حقا فإن خير الامور الوسط ..في كل شئ رهف : صديقه ساندي المقربه ...فكلاهما لا يستطيعان ان يخرجا في اي مكان بدون اصطحاب بعضهم لبعض ...رهف ليس لديها اخوات إناث ...وساندي لبس لديها اخوات من الاساس لا إناث ولا ذكور ...ودائما ما تحب ساندي الخروج والتنزه برفقه رهف ..وتحب سماع نصيحه رهف لها ... فهي تعتبر عقلها واعي اكثر منها ومدركه لشؤن الحياه عنها احداث القصه حول فتاه مدلله صغيره تزوجت وهي في سن صغير كيف تحول حالها بعد الزواج وبعد الانجاب وكيف اصبحت ام العيال وكيف تحولت شخصيتها وتعاملاتها قبل الزواج من بعد الزواج وانجابها الاطفال . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . تعريف الشخصيات : ساندي : بطله القصه فتاه مدلله وحيده ابويها تربت علي الدلع وعدم تحمل المسؤليه سميره : والدته ساندي تخاف عليها من كل شى واي شئ وهي السبب في ان ساندي لا تعتمد علي نفسها ..لان سميره تلبي لها كل طلباتها علي : والد ساندي ..فهو الاب الحنون والعاقل يحنو علي ابنته ولكن دائما ما يفكر بعقله في مصلحه ساندي رهف : زميله ساندي من الصغر فتاه علي العكس تمام ..تعتمد علي نفسها وترعي والدتها المريضه واخوها وابيها فهي تقوم بكل مهام المنزل المطلوبه سمير : خال ساندي فهو دائما ما يحدث سميره ان تغير تربيتها لابنتها ويلفت نظرها انها اصبحت عروسه وناضجه فيجب ان تخدم نفسها بنفسها *** بطله قصتنا اسمها ساندي ... ساندي فتاه في الجامعه في سن السابعه عشر من عمرها كانت تعيش وسط عائلتها حياه مرفها وكانت والدتها هي المسؤوله عن كل طلبات البيت و خدمه اهل البيت باكمله يقع علي عاتق والدتها فكانت ساندي معتمده تعتمادا كليا على والدتها في طلباتها ولا تساعد حتى في ترويق البيت وكانت تخرج مع زميلاتها النزهه والدراسه فقط هذا كل ما تقوم به في يومها ولا تساعد في البيت ولا في اعمال اعداد الطعام ولا طلبات البيت وكانت والدتها لا تضغط عليها في مسؤوليات البيت وتقول دائما انها لسه صغيره .... ولذلك السبب كان والد ساندي يرفض طريقه تربيه والدتها لها دائما ... ودائما ما يقول والدها انها لا تستطيع تحمل المسؤوليه وتربيه اولاد وفتح بيت بعد زواجها ودائما يلقي اللوم علي زوجته والده سالي انها هي من تدللها **** دق جرس الباب وكان في ضيافتهم ضيوف اقاربهم جاءوا لزيارتهم من غير موعد مسبق ولم يكونوا مستعدين للزياره في ذلك اليوم البيت لم يكن مرتب بما فيه الكفايه لاستقبال الضيوف ولم يكن هناك لديهم ما يستدعي لتقديم كرم الضيافه اليهم... طلبت والده ساندي منها الذهاب لشراء اي شيء يقدمونه او مساعدتها سريعا في ترتيب الغرفه لاستقبال الضيوف ام ساندي: يلا يا ساندي بسرعه نروق البيت الغرفه دي بالذات عشان نقدر نستقبلهم فيها لانها مش مترتبه خالص او روحي جيبي اي طلبات نقدمها لهم ككرم من الضيافه اي حاجه اقدر اقدمها لهم علشان ما اتحرجش قدامهم بسرعه روحي غيري هدومك والبسي ملابس ثانيه عشان نستقبلهم بيها ساندي: لا يا ماما ما ليش مزاج اقابل حد مش عايزه اروق ولا اعمل حاجه كمان عايزاني يا انا انزل اجيب حاجات من الشارع دلوقت انتي عارفه ان انا مش بخرج اشتري طلبات للبيت اصلا ازاي عايزاني اشتري حاجات قدام الناس كده معلش اعذريني انا مش موافقه.. ممكن تصحي بابا يروح يجيب هو بس اي حاجه ومش عاوزه اروق ولا اعمل حاجه دلوقت المفروض انهم قبل ما يجوا كانوا اتصلوا واخذوا ميعاد انهم جايين البيت كنتي عرفتي تروقي على مهلك ام ساندي: انتي عاوزاني اروح اصحى ابوكي ....الراجل الي نائم تعبان من شغله عشان اقول له يجيب لنا اي حاجه للناس تشربها وانتي صاحيه و موجوده طب انا ما عنديش مشكله انزل انا يا ساندي اجيبه ممكن انتي تروقي بقى الغرفه ديت بدالي ساندي: لا يا ماما قلت لك اعذريني انا مش هاقدر مش عايزه اعمل حاجه خالص ومش ليا مزاج اروق البيت نهائي انتي عارفه انا مش متعوده علي الحاجات دي.. ام ساندي: يعني هتسبيني في الوقت ده اللي انا محتاجه لك فيه يعني بتحرجينى قدام الضيوف ولا بتساعديني في طلبات ولا حتى في ترويق الغرفه دي... الظاهر عليا اني دلعتك حقيقي زي ما ابوكي على طول بيقولي كده وكان لازم اشد عليكي من وانتي صغيره واعلمك تعملي كل حاجه معيا عشان لما تكبري ويجي الوقت اللي انا محتاجه لك فيه تساعديني امال لما اتعب وابقى مش قادره اعمل حاجه هتعملي فيا ايه هتقفي كده وتقولي لا اصل انا ما تعودتش.... مش معقول تحرجيني بجد دلوقتي ومش هتعملي حاجه خالص اديني وانا ما ينفعش اصحى والدك دلوقت وهو لسه جاي من شغله تعبان ولسه ما صدق انه نام ما كملش ساعه راحه حتى لو صحيته هو هيتنرفز عليا ويقول ان انا فعلا اللي غلطانه في تربيتك و هو لسه مكلمني اني مش مخلياك تحملي اي مسئوليه في البيت وشايله كل حاجه بنفسي بكره مسيرك تكبري وتفتحي بيت وتعرفي قد ايه هي المسئوليه صعبه وكبيره مش زي ما انتي متخيله وراميا كل الحمل عليا كده ... انا كنت ساكته ومش باتكلم معكي ... انا لو صحيت ابوكي دلوقتي وقلت له مشكله كبيره ويكلمك كثير ويزعق لك انتي عارفاه كويس قوي وعارفه موقفه من ان انا مدلعاكى ومش مخلياكي تشيلي اي مسئوليه للبيت وانا كنت فعلا باقول خليها تتبسط وخليها مش تحمل المسئوليه دلوقت بكره تكبر وتشيلي المسؤوليه بس مش لدرجه ان انا احتاجك واحتاجلك تقفي معيا وانكي تسيبيني كده في المواقف ده والنقطه دي يمكن صحتني يمكن علمتني ان فعلا ابوكي كان معه حق في رائيه وفي موقفه وانا الي فعلا غلطانه اني كنت بتعامل معكي بالاسلوب ده ساندي هتلاقي من هنا ورايح تعامل معكي بطريقه ثانيه خالص بس اشوف الضيوف والناس دول يمشوا الاول **** سمع والد ساندي الحديث الذي دار بينهم بسبب صوت ام ساندي العالي ونرفزها في الحوار فقام من نومه ابو ساندى: في ايه هي مش هتعمل معكي ايه مش فاهم يعني قايل لك من زمان انك لازم تعوديها على المسؤوليه خليها تساعدك في طلبات البيت وشغل البيت ده هيريحها هي بعد كده اصلا ...... بس انتي مش راضيه تسمعي الكلام عماله تقولي ادلعها وهي صغيره وهي في بيت ابوها تبقى متدلعه ما كده كده هتبهدل وتشيلي المسؤوليه لما تتجوز مش ده كلامك وده رايك ولا موقفك اللي كل ما اكلمك عليه تقعدي تبرري بالكلمتين دول ايه اللي حصل عشان افهم ام ساندي: عشان اريح عندي اكثر وتقول ان انا ارتحت في بيت ابويا مش عايز زي ما شفت في بيت ابويا زي ما كل البنات بتقول انا اكيد حابه انها تكون قد المسؤوليه واكيد مش حابه ان هتطلع من البيت مش قادره تشيل المسؤوليه دلوقت مش عايزه اضغط عليها اشيلها حمله مسئوليه كبيره عليها وهي سنها صغير ابو ساندى: ماشي ما تشيلهاش حمل كبير اه خليها تساعد حسسيها بقى بشويه مسؤوليه مش ان احنا نركنها خالص ونخليها معتمده علينا و نجيب لها كل طلباتها كده هي مش هتقدر تستحمل اي مسئوليه الترام على عاتقها انا خائف عليها زي ما انتي خايفه عليها بالضبط بس انتي بصلها من منظور و تفكير مختلف وانا ببص لها بالمنظور ثاني خالص بنتك لو ما اتعلمتش تعتمد على نفسها هتفضل طول عمرها كده لازم تعلميها تعتمد على نفسها وما ينفعش ابدا تكون شايفاكي محتاج لها وتتخلى عنك حتى لو الحاجه اللي انت طالباها منها من وجهه نظرها انها تافهه او انها مش حاجه كبيره دلعك لها دا السبب في انها تكلمك دلوقت كده و تحرجك كده قدام ضيوفك اتحملي مسئوليه تربيتها بقى وشوفى تصلحيها ازاي ****ساندي: انتو مكبرين الموضوع و الحكايه كده ليه ده مجرد اني ما رضيتش اروق الاوضه مستاهله كل الكلام اللي انتم حكيتوه. فيا ايه ده انا مش مسؤوله ان انا اروقها اصلا دي مش من مسئوليتي ولا من واجباتي ابو ساندى: اتفضلي بقى يا ست هانم بتقول ايه عشان تعرفي كويس انت تفكيرك كله في تربيتها كان غلط ورفضك لمساعدتها ..... كنت باقول لك بطلي تتعاملي معهاعلي ان هي صغيره...كنتي بتهملي كل كلامي ...دلوقت طلع كل كلامي كان صح اتفضلي بقى وشوفي هتردي عليها تقولي لها ايه ** قال بتقول لك مش عارفه تروق البيت اصل هو مش من مسئوليتها لا يا ساندي هانم البيت كله من مسؤوليتك واللي اعرفه ان اي احد بهدل مكان ملزم ان هو الي ينظفه ما تنتظريش والدتك انها تنظف من مطرحك ومن مكانك حتى لو انتي اصلا مش الي مبهدله الاوضه لو كان اي احد ثاني انتي ملزمه برضه انك تروق لها وتنظفيها وتساعدي والدتك في ده دي مسؤوليتك من هنا ورايح طالما انتي كبرت ومش صغيره مسؤوله تنظفى ....مش شرط لانك انتي اللي مبهدله الاوضه ولا لا ... انتي مسؤله تساعدي والدتك ام ساندي: انا فعلا طلعت غلطانه في تربيتها ..وتفكيري كله غلط ... طالع معك حق يا ابو ساندى كان المفروض اشيلها ولو جزء من المسؤوليه من وهي صغيره تطلع عارفه تعتمد على نفسها مش مستنيه اللي يقدمها موقف زي ده اني اكون محتاجلها الاحتياج كده و تحرجني قدام الناس ومش عارفه اعمل لهم ايه... وانا مصممه دلوقت انكي يا اما تروقي الغرفه دي هي مش راضيه تجيب الطلبات اللي انا عايزاها حتى لو والدك صاحي اهو انا مش هخليه هو اللي يجيب الطلبات دي اختاري تعملي ايه من الاثنين اللي خيرتك فيهم اعملي حاجه ..والحاجه الثانيهانا الي هعملها .. ومن هنا ورايح اديكي في كل حاجه وهيبقى غصب عنك محسساني ان انا السبب اني قصرت في حقك ..خليتي والدك يكلمني كده كنت بستحمل كلامه كل شويه كنت برفض كلامه معيا بس ما كنتش اعرف ان بالشكل ده باربي بني ادمه هيكون ما عندهاش دم حتى ناحيت والدتها الي ربتها و تحرجيني كده قدام الضيوف كل ده سايبين هم واقفين قدام الباب من فضلك يا ابو ساندى دخلهم وانا اروق الاوضه وانتي انزلي اشتري اي مشروبات يشربوها او عصير كنوع من انواع كرم الضيافه لهم وما تغيبيش يا ساندي غيري هدومك بسرعه وروحي هاتي وتعالى واحنا مستنين * . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .. . . . . .. . . . . . . . . . . . . . . . . . . . . . . . . . . . . . . . . . . . . . . . . *** نزلت ساندي لشراء طلبات و مستلزمات كرم الضيافه و تاخرت في الوقت كثيرا وتعمدت ان تتاخر لكي لا تطلب منها والدتها لشراء اي مستلزمات للبيت مره ثانيه فكانت نازله من بيتها رغما عنها فقالت انها لو تاخرت على والدتها في احضار الطلبات سوف تقرر والدتها ان لا تجعلها تنزل لشراء اي مستلزمات للبيت مره اخرى وكانت والدتها منفعله جدا وفي حاله العصبيه والنرفزه شديده من كميه الاحراج التي وضعتها بها ساندي في الموقف هذا مع ضيوفها وكانت تنتظر مجيء ساندي كي تقدم لضيوفيها اي شيء يشربونه او اي شيء تقدمه لهم..... وعندما اتت ساندي الى البيت قابلتها والدتها وعليها ملامح غضب شديد ولكنها لم تتحدث معها هو كتمت غيظها الى ان مشوا الضيوف وبعد خروج الضيوف ذهبت ام ساندي مسرعه الى غرفتها وقالت لها ام ساندي: انتي ايه اللي اخرك كل ده انتي بتحرجينى مع الناس وبتعتمدى عليا في كل طلباتك مفكره انك لما تعملي كده مش هعرف انزل لك تاني تجيبي لي اي طلبات ليا طاب بالعند فيكي يا ساندي تجيبي كل طلبات البيت ومن هنا ورايح هاخليكي كمان تساعديني في شغل البيت النصف بالنصف معيا وكمان كل طلبات البيت من هنا ورايح هتكون كلها عليكى من بره ****غضبت ساندي كثيرا من والدتها واتصلت بزملتها رهف ..وطلبت منها المجئ اليها ساندي : الوو عامله ايه يا رهف ...وحشاني انا مخنوقه شويه وعاوزاكي تيجي تقعدي معايا حبه ضروري رهف :الحمد لله بخير يا سوسو ...انتي عامله ايه ... تمام انا فاضيه ..طاب ايه رائيك نخرج في اي مكان بره ..انتي عارفه انا مش بحب قعده البيت كده ..هتبقي احلي كتير لو خرجنا بره في اي مكان وحشاااني خالص يا ساندي يا دلوعه الشله انتي ساندي : لا اعذريني يا رهف انا فعلا مش عاوزه اخرج من البيت ...عاوزه اكلمك في حاجات كتير ..وكمان مش عاوزه اي صدام مع والدي ووالدتي دلوقتي ..لما تيجي هبقي احكيلك .بس ما تتاخريش عليا علشان بجد محتاجه اتكلم معاكي رهف: في ايه يا ساندي قلقتيني عليكي ..في حاجه ولا ايه ..مالك طمنيني ساندي : لا يا رهوفه مافيش حاجه يا قلبي تسلمي ما تقلقيش اما تيجي بس ما تغيبيش رهف : مسافه السكه واكون عندك يا ساندي سلام . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . *. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . *. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . * انتظرت ساندي زميلاتها رهف وهي تفكر هل هي مخطئه حقا هل كلام والديها عنها انها حقا لا تستطيع تحمل المسؤليه وفاشله ..ام انهم فعلا يكبرون الموضوع ويعنفوها لا اكثر ولا اقل ....شعرف ساندي بانها مذبذبه وبعض الحين تميل الي رائي والدتها انها صغيره ومن حقها ان تتدلع ولا تتحمل المسؤليه ..والحين الاخر تميل الي رائ ابيها ..وتفكر هل هي قادره حقا علي ان تعتمد علي نفسها ...هل هي تستطيع العمل في الخارج ..هل تستطيع مساعده من يحتاجها ..ام انها تفكر في نفسها وان والدتها عودتها علي ذالك كما ذكر لها والدها من قبل وانتظرت ساندي رهف زميلتها الي ان جائت ودق الباب وذهبت والده ساندي لتفتح الباب والده ساندي (سميره ): اااهلا اهلا اهلا رهف حبيبه قلبي عامله ايه يا روحي ووالدتك عامله ايه ...واخبارها ايه طمنيني عليها وعليكي انتي كمان ..وحشاني خالص يا رهف بقالك كتير ما جتبش لساندي يابنتي فينك كده الوقت دا كله رهف : تسلمي يا طنط بخير والله ووالدتي الحمد لله بقت احسن دلوقت ..وانا علي قد ما اقدر مش بخليها ترهق نفسها وبعملها كل حاجه علشان صحتها ومرضها وهي مش حمل اي مجهود ..وبحاول اوفق والله يا طنط بين شغل البيت والمذاكره والخروج برضه ...انا علي طول بقابل ساندي مش ناسيه خالص يا طنط ما تقلقيش وديما بقولها تسلمي عليكي بتوصلك سلامي ولا لا ام ساندي (سميره ) : ايوا يا قلبي هي ديما تقولي انكوا بتتقابلوا بره فعلا ..بس ليه بطلتي تيجي هنا يا رهف ...وعاوزه اقولك حمد لله علي سلامه مامتك يا روحي ..وانتي بميت راجل بمعني الكلمه يا رهف ..الي يشيل ابوه وامه ويساعدهم ويساندهم طالما ظروفه تسمحله بكده يبقي فعلا مامتك عرفت تربيكي ...عاوزه اقولك حاجه يا رهف رهف : اكيد طبعا اتفضلي يا طنط انتي تؤمريني سميره : افرضي انتي مامتك احتاجتك في حاجه ...تساعديها فيها ولا تقوللها ماليش مزاج ..وحاجه مهمه وممكن بسببها تحرجيها قدام الناس لو ما ساعدتيهاش رهف : اكيد طبعا وبدون ترردد كمان هساعدها ..دي لو واحده غريبه هساعدها اومال لو والدتي بقي دا انا مش هساعدها بس ..انا هعملها كل الحاجه دي اصلا واخليها هي قاعده مرتاحه ...ما يصحش اصلا اني استني حتي انها تطلب مني سميره : انا فعلا الي ربيت غلط ...وحزنت سميره وظهر علي وجهها اثار الحزن العميق رهف : مالك يا طنط في حاجه ..طاب ساندي زعلانه من حاجه انتو قلقتوني والله يا جماعه في ايه سميره : هي ساندي هي الي كلمتك تيجي ..ولا انتي جايه من نفسك ..اعذريني ف السؤال البايخ دا بس هفهم منه حاجه مهمه رهف : هي الي كلمتني وقالت عاوزه تتكلم في موضوع مهم وانا بصراحه كده قلقت عليها ..ولما شوفت حضرتك ياطنط والاسئله الغريبه دي وشكلك زعلان خالص ..فبجد حاسه في حاجه مش طبيعيه ممكن اعرف فيه ايه *** قاطعتهم ساندي مناديه علي زميلاتها ساندي : يا رهف يارهف قاعده عندك بتعملي ايه ..تعالي يالا . . . . . . . . . . . . . . . . . . . . . . . . . . . . . . . . . . . . . . . . . . . . . .. . . . . . . . . . . . . . . . . . . . .. . . . . . . . . . . . . . . . . . . . . . . .. . . . . . . . . . . . . . .. . . . .. .. .. رهف استاءذت من سميره والده ساندي وذهبت الي ساندي في غرفتها **** رهف : في ايه يا ساندي ..ازاي تتكلمي بالاسلوب دا وتحرجي طنط كده ...وبعدان مالكم فيه ايه ...في حاجه مش مظبوطه في البيت دا ...طول عمري باجي القيكوا كلكوا فرحانين ومبسوطين وبترحبوا بيا احلي ترحيب ..المره دي كلكوا زعلانين كده ..انا متاكده ان في حاجه يا بنتي انطقي ساندي : هو انتي مدياني فرصه اتكلم ...ما انتي بتتكلمي بعصبيه والمفروض انك جايه تخففي عني الهم والزعل الي انا فيه ...لو هتتكلمي بالطريقه دي والاسلوب دا يبقي خلاص روحي روحيي رهف : كده يا ساندي ..انتي واعيه بتقولي ايه ...بس انا عقلي اكبر من عقلك ...ومش هزعل ولا اخد علي كلامك وانتي في متنرفزه ....اقعدي اهدي شويه ...انا بجد قلقانه وعاوزه اعرف فيه ايه حصل لكل دا ساندي : ما تزعليش مني اعذريني بجد ...انا فعلا مش مركزه بقول ايه ... رهف : خلاص حصل خير ما تزعليش ...في ايه طيب طمنيني . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . *** ساندي : بصي يا رهف...المشكله ان انا انسانه اتعودت علي الدلع حرفيا ....والدتي كانت بتعملي كل حاجه وحاسسوني ان دا شئ عاي ...مره واحده كلهم قلبوا عليا وبقيت انا الوحشه في البيت والبنت العاقه الي مش بطيع كلامهم وطبعا سمعت كلام زي السم حرفيا ...كل دا علشان ما رضتش انزل اجيب طلبات للبيت وكان عندنا ضيوف ...ابقي احرجتها وبهدلتها وكبروا الموضوع ...هو الموضوع يستاهل بذمتك انهم يعملوا كل دا علشانه ...انا زعلانه علي انهم ازاي يقولولي كده ويعاملوني كده ...انا فعلا مش حمل المسؤليه زي ما هما بيقولوا وما اقدرش افتح بيت يا رهف ...انا اه متدلعه وعارفه اني متدلعه وفرحانه كمان انهم مدلعني .دي مش حاجه وحشه ...بس انا بجد اقدر اتحمل المسؤليه ..وبكره هخليهم يشوفوني ويغلطوا كل تفكرهم عني ...انا مشكلتي اني ببقي من جوايا عاوزه اقوم واساعد يارهف ..بس فعلا مش عارفه ايه بيحصل ببقي مش عاوزه اقوم بكسل مثلا او اقول كده كده ماما هتجبهالي ...جوايا احساسين عكس بعض يا رهف ...واحد اني فعلا ببقي مكسله اعمل الحاجه الي مطلوبه مني وانا متاكده انهم كده كده هيعملوها هما بدالي ... الاحساس التاني اني عاوزه اثبتلهم اني اقدر اتحمل المسؤليه ..ومسؤليه كبيره كمان ....اقولك علي حاجه جات في دماغي دلوقت ..انا لما اتجوز ان شاء الله بالعند فيهم هجيب عيال كتير واوريهم اني قد المسؤليه ..امي ديما لما بسالها ما جبتيش اخ او اخت ليا ليه ...ديما بتقولي التربيه صعبه ومرهقه وهي ما قدرتش تجيب تاني علشان المسؤليه هتبقي كبيره عليها ...حتي بابا طاوعها في الموضوع دا ....انا قررت لما اتجوز هجيب عيال كتير بجد واوريهم بقي انا قد ايه قد المسؤليه ولا لا **** رهف : غلط طبعا كل الكلام الي انتي بتقوليه دا يا ساندي ....ايه الي هجيب عيال كتير ...انتي واحده متعلمه يا ماما والمفروض انك فاهمه ان كل عيل لازم تديله حقه في كل حاجه التربيه والدلع والتعليم والصحه ...يا بنتي اهدي بس انا مش عارفه انتي بتقولي ايه ههههه وابه الي جاب موضوع العيال دلوقت مش لما نجوزك بس الاول ههههه . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . **** ساندي : ماشي يا رهف بتتريقي عليا ...يمكن دا مش لاني بعند معاهم زي ما قولت يمكن دا لاني فعلا كنت حابه يكون عندي اخوات والعب معاهم واحس بالاسره اكتر ...او بنوته تكون صاحبتي ونقعد نتخانق علي هدومنا الي بناخدها من بعض زي ما بسمع كل البنات والاخوات بيتكلموا ....انا فعلا محتاجه عيله ..حابه اكون اسره كبيره ...طالما ماعرفتش الاقي دا في اسرتي دي يبقي لازم انا اعمله مع اسرتي الجديده الي هكونها ان شاء الله ...ما تقوليش كلام سابق لاوانه ..مش عارفه يا رهف كل حاجه مزعلاني افتكرتها دلوقت ...هل انا غلطانه للدرجه دي ..وهل تفكري كله غلط فعلا ...انا زعلانه قوي يا رهف وشكلي داخله علي اكتأب ..انا عارفه كويس انهم زعلانين مني ..ومن جوايا زعلانه علي زعلهم والله دول ابويا وامي ...بس انا فعلا كل ما احس اني عاوزه اروح اتكلم معاهم بلاقي حاجه جوايا بتمنعني اعمل كده ...زي بالظبط ما انا ببقي عاوزه اساعد والدتي او اساعد حتي في طلباتي بس بلاقي جوايا حاجه بتكسلني بقي المره دي .. طالما عارفه ان الحاجه دي هيعملوهالي علي رائي والدي ...ساكته ليه يا رهف اتكلمي واحكي معايا شاركيني ..ولا سيباني احكي كده وخلاص وبتاخديني علي قد عقلي **** رهف : لا مش كده خالص يا ساندي ...انا سيباكي تطلعي كل الي جواكي ...عاوزاكي انتي الي تتكلمي ..اتكلمي وكملي وانا سمعاكي ...جايز لا مش جايز دا اكيد هيخفف من احساس الزعل جواكي ..صدقيني هتلاقي انتي نفسك بعد ما تطلعي طاقه الغضب دي مسامحه ومسالمه ومستعده تروحي تطيبي خاطرهم ...علشان كده بقولك اتكلمي واحكي وعبري ..والدتك ووالدتك صح او غلط كده كده احنا الي المفروض نروح ونعتذر لهم ..انتي من جواكي طيب ونضيف جدا يا ساندي فوق ما تتخيلي ...وكل الي بتحكي عليه دا جايز فعلا من سوء فهم مفهوم التربيه والدلع عند والدتك ...بس انتي هتتغيري بالتدريج ...ما ينفعش واحده ما اتعودتش طول عمرها تعمل حتي كوبايه شاي لنفسها ...اقوم من يوم وليله اخليها تشيل مسؤليه البيت وكمان طلبات بره البيت ....بيني وبينك انا عمري ما اشتريت حاجه للبيت من الشارع ...صراحه دي مسؤليه اخويا ..انما انا مسؤله عن البيت كله من جوه من اصغر حاجه لاكبر حاجه ..ووالدي حبيبي ربنا يبارك فيه بيساعدني في كل حاجه ..وطبعا والدتي زي ما انتي عارفه مريضه ...اخويا بقي مش بيعمل حاجه معانا في البيت نهائى ..هو دوره يجيب اي طلبات من بره ...ودا شئ مضايقني جدا ...ان اكون انا وهو قاعدين وانا الي مطلوب مني اعمل كل حاجه حرفيا ..حتي بروق له سرير الي بينام عليه ....ومع ذالك عمري ما اتكلمت احتراما لوالدي ووالدتي المريضه علشان ما ازعلهاش وتقول اني شلت الهم والمسؤليه بدري ....حطي رضا والدك ووالدتك قدام عينيكي ديما يا ساندي ...وطنط سميره ست زي السكر بتضحك وتهزر وحابه تدلعك وما تزعلكيش ابدا ...انتي كمان راضيها ..وساعدي ولو بجذءمع والدتك في طلبات الببت ..وما تقلقيش علي طبع طنط سميره اصلا مش هتشغلك ولا تشيلك المسؤليه **** ساندي : امي هي صاحبتي يا رهف واختي ..انتي شابفه انا بفضل قاعده ف البيت طول اليوم لوحدي ولا ليا اخوات ولا ليا حد اتكلم معه ...حتي الصحاب لو اتكلم معاهم هيكون ساعه طول اليوم ساعه ضمن ٢٤ ساعه ....امي بقيت احس باختلاف في الاراء كبير بيني وبينها ..وبان هي مش فاهماني بعد ما كنت بحس انها اكتر شخص في الحياه فاهمني وبيحبني . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ****رهف : بصي يا ساندي بالنسبه ان هي اكتر شخص في الحياه بيحبك فدا اكيد مفيش شك فيه نهائى فيه طبعا ..اما عن انها مش فاهماكي فجايز ..بس برضه مش بالمعني دا قوي ...ممكن فرق اجيال وعادات وتقاليد الجيل بيختلف عن الجيل الي بعده اكبد في التفكير وفي طريقه الاحتواء بسبب فرق السن وتطور الحياه والتكنولوجيا فجايز هما مش قادرين يتواصلوا مع فكرنا ..وكل مرحله عمريه ليها تفكرها ..بكره لما تكبري ويكون عندك بنت هتحسي بكل كلمه بتقوليها دلوقت ..وهتقولي انا مش فاهمه ومش قادره اتواصل مع عقلها وتفكرها ..وهتنتقضي عقليتها برضه وتقولي عليها لسه صغيره ...اهدي كده براحه وفكري دا باباكي ومامتك عاملين اميره ❤❤دا انا ديما بقول عليكي دلوعه الشله يا سوسو ....يالا قومي وتعالي نروح لطنط سميره ونتكلم معاها ونطيب خاطرها ....يالا يا سوسو قومي **** ذهبا ساندي ورهف الي والدته ساندي( سميره ) وهما في طريقهما اليها ...رن باب الجرس ..فذهبت ساندي مسرعه وفتحت الباب وكان خالها جاء لزيارتهم فرحبت به واستقبلته استقبال حافلا وذهبت لتعد شئ لتقدمه له وذهبت لوالدتها لاخبارها ان خالها يجلس في غرفه الضيوف **** ساندي : خالي موجود بره يا ماما ...وانا استقبلته وقعدته في اوضه الاستقبال وبجهز حاجه اقدمهاله في المطبخ هو في انتظارك بره **** نظرت اليها سميره نظره استغراب ..فانها غير معتاده علي ان تستقبل ابنتها الضيوف فقط ...فكيف لها ان فعلت كل هذا بدون حتي ما تطلب منها شئ ...ولم تتكلم سميره مع ساندي مطلقا ...فقط ذهبت لتستقبل خالها . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . انتهي البارت اتمني ينال اعجبكوا .. . . دمتم بخير ? . . . . . . . . . . . . . . . . . . . . . . . . . . . . . . . . . . . . . . . .