Malalim na ang gabi. Mag-isa lamang na nakatayo ang Reyna kung saan tanaw na tanaw niya ang kanilang portal. Pinagmamasdan niya iyon nang hindi man lang alintana ang lumalalim pang gabi at ang malamig na hangin na humihipo sa kaniyang maputlang balat.
Naghihintay siya ng bagong ulat mula sa kabilang mundo, maging ang pagdating ni Raven at ang kaniyang mga pinasundo.
Mula sa kinatatayuan ay naisipan niyang lumapit pa sa portal nang masiyasat ang lamat na gawa ni Marion noong siya'y nakatakas.
Hindi kasi siya makatulog kay naisipan niyang lumabas muna upang maglakad-lakad at napadpad siya roon.
Gustuhin niya mang magpahinga, natatakot siyang may makita nanaman bagong kakilakilabot na mga kaganapan. Dalawang beses na kasing nangyari. Dalawang magkasunod na gabi.
Batid niyang epekto l
