DESTINY
XYRELLE GRACE VERNAULA
"ANAK, tuluyan ka nang mawawala sa puder ko. Ang papa mo dapat ang maghahatid sa'yo sa altar kasama ko, sayang nga lang at maaga siyang nawala sa'tin. Hindi niya na makikita kung gaano ka kaganda sa suot mong traje de boda at hindi niya masasaksihan ang paglakad mo patungong altar," lumuluhang sabi ng kanyang ina habang hinahaplos ang kanyang pisngi. Ngayon ang araw na pinakahihintay niya, ang araw na tuluyan na silang magiging isa ni Elixir. Ngunit hindi niya pa rin maiwasan ang kabahan, paano kung bigla itong umatras? O kaya naman ay may tumutol? O may unfortunate event at kailangan nilang ipagpaliban muna ang kasal? Ugh! Napakaraming negative thoughts na pumapasok sa isip niya ngunit hindi siya magpapadaig dahil alam niyang mahal na mahal siya ni Elixir
