“Hahaha! Dad, tigilan mo na yan.” saway ni Pauleen.
Habang humahagalpak naman ng tawa ang mommy nila na si Ramona dahil sa paraan ng pagkanta ng asawa.
“Dad, hindi ganyan ang tono niyan.” sita ulit ni Pauleen.
Tawa naman ng tawa si Pierce na pinakikinggan ang pagkanta ng daddy nila habang nakaakbay kay Hailey. Ang mommy naman niya ay pinipigilan na ang pagtawa ng tingnan siya ng asawa.
“Hays!” sambit ni Pauleen dahil wala na siyang magawa. Hindi rin naman siya pinapansin ng daddy niya na patuloy lang sa pagkanta ng sarili niyang tono.
Pagkatapos kumanta ay nakakuha pa ito ng 89 na score.
“Hala! Kalokohan yan!” Hindi makapaniwala si Pauleen sa score ng daddy niya. Mas nahigitan pa kasi nito ang score niyang 86.
“Oh, diba?? Ang taas ng score ko. Tama talaga yung nabili kong mic.” Pag
