Riot Men Series 32: Hurtful Intention

PUMITLAG ang katawan ni Jayden dahil sa sakit dulot nang malakas na hampas ng latigo sa kaniyang katawan. Bumaling-baling ang ulo niya sa unan habang may bakas na sakit sa kaniyang mukha. "Umh... Umh..." Bawat hampas, suntok at tadyak na ginagawa sa kaniya ay damang-dama niya. Bawat paglublob ng kaniyang ulo sa tubig ay kinakapusan siya ng hininga. Bawat paso ng metal sa kaniyang balat ay bumabaon sa kanyang kalamnan ang sakit, wala ni isang bahagi sa kanyang katawan ang pinalalagpas ng mga ito. "Umh!" muling daing niya. Rinig na rinig niya ang bawat kalansing ng kadenang nakatali sa magkabilaang palapulsuhan at mga binti niya. Ramdam na ramdam din niya ang init ng tubig na isinasaboy sa buo niyang katawan. Agaw ang hiningang pumipiglas siya dahil halos hindi na siya makahinga. Singhap at agaw ang kaniyang hininga na nagising si Jayden mula sa masamang panaginip na iyon. Takot na inilibot niya ang mga mata sa kaniyang paligid, tsaka lang siya nakahinga ng maluwag nang mapagtantong nasa villa pa rin siya. Mariin niyang hinilamos ang mukha at marahas na nagbuntong-hininga. Those nightmares hunting him for five years. "Fucking nightmares!" he murmured as he leaving his bed. Inabot niya ang sigarilyo at lighter na nasa bedside table kuway humakbang palabas sa veranda at doon sinindihan ang sigarilyo. Agad siyang humithit sa sigarilyo at marahas na ibinuga ang usok. It has been five years ago but it seems happened yesterday. Iyong sakit at hirap na naranasan niya sa kamay ng mga Ali Hatwa hanggang ngayon ay damang dama pa rin niya at dala-dala hanggang sa kaniyang panaginip. Muli siyang humithit sa sigarilyo at agad ulit ibinuga. Dito niya ibinubuhos ang lahat ng bigat na nararamdaman niya sa dibdib. Dahil sa sakit at hirap na naranasan ng kaniyang katawan mula sa kamay ng mga terorista ay na-trauma siya at nadamay pati ang ibabang bahagi ng kaniyang katawan, dahilan para ma-damage ang nerves na nagko-control sa erection ng kaniyang pagkalalaki, in short he become impotent. Ilang beses na niyang sinubukang makipagniig sa iba't ibang babae pero wala rin nangyari at nabigo lang siya. Noong una nagpupunta pa siya sa psychiatrist para sumailalim sa isang therapy pero kalaunan ay tinigil na niya dahil wala rin naman nagbabago sa katawan niya. He still can't get hard. Hanggang sa nasanay na lang siya ng ganito. Pagkatapos niyang manigarilyo ay inihulog niya iyon sa sahig at agad na tinapakan at pagkatapos ay muli siyang bumalik sa loob ng kwarto. Then his cellphone rang. It's his mom calling. Sinagot niya ang tawag pero hinayaan niya muna na ito ang unang magsalita. "Son?" "Mom," "How are you?" "I'm fine, Mom. You?" balik tanong niya. "I'll be fine when you get home. Kailan mo ba balak umuwi?" Marahas na nagbuntong-hininga si Jayden. Hindi niya alam kung paano sasagutin ang kanyang ina. "Organization is waiting for you. Matagal ka na rin naming hindi nakikita." Putol ni mom sa katahimikan. Muli siyang nagbuntong-hininga. "You don't understand, Mom. I still can't go home right now." "If you have a problem you can tell me, Jayden Hindi mo kailangan pasanin ang problema mo na nag-iisa. I'm here, kami ng daddy mo at ni Kayden. We can help you." Alam ng pamilya kung ano ang pinagdaanan niya sa kamay ng mga terorista noong isa pa siyang sundalo, kaya hindi lingid sa kaalaman ng mga ito kung ano ang pinagdadaanan niya ngayon. "Tanggapin mo na ang position mo sa Herrer Group of Companies," sabi pa nito. "Mom, You know I am not interested in holding any position at HGC, simpleng buhay na lang ang gusto ko ngayon," giit niya. "But you are not a simple person, Jayden. Baka nakakalimutan mo na anak ka ni Ulysses Grey Herrer." Binigyang diin nito ang huling sinabi. Mariin na muling napahilamos sa mukha si Jayden. "Hindi ko naman nakakalimutan. Hindi pa ako handa na muling pumasok sa magulong buhay, Mom." "How long will you be affected by your past, Jayden? Dinadamay mo ang pamilya mo sa kagagawan ng pinagkatiwalaan mong trabaho." "Mom, my previous job had nothing to do with our family. I have my own reasons." "And what is the reasons? Hindi mo ba alam sa ginagawa mo parang tinatakwil mo na rin ang pamilya mo. Ikaw pa naman ang inaasahan na hahawak sa organisasyon, pero ayaw mong tanggapin ang kahit anong posisyon sa pinamumunuan ng ama mo. We are not getting any younger, hijo." Muling napabuntong-hininga si Jayden "That's not what I mean, Mom. I love you and I love our family. Isa pa, you and dad strong as bull." "Then prove it. Umuwi ka na rito sa mansion at tanggapin ang posisyon mo sa Herrer Group of Companies at sa organisasyon." "Mom," "Ang kapatid mo ay nagpapakitang gilas at ginagawa ang lahat para maging karapat-dapat sa posisyon na meron siya, habang ikaw inaaksaya mo ang buhay mo sa problema mong tapos na." "Hindi ako nakikipagkumpitensya sa kaniya, Mom." "How about me? Kinalimutan mo na ako?" Muli siyang nagbuntong-hininga. "Mom, pag-iisipan ko po ang lahat ng mga sinabi mo sa akin." "Hanggang kailan? Jayden, no matter how many times you turn the world, you can't change the fact that you are a Herrer." "Mom, tsaka na lang ulit tayo mag-usap." "Jayden—" May sasabihin pa sana ang kanyang ina pero hindi na niya ito pinatapos pa. Pinutol na niya ang linya at agad na pinatay ang kanyang cellphone. Si Ulysses Grey Herrer ay nagmamay-ari ng iilang malaking negosyo sa iba't-ibang panig bansa. Hindi niya magawang tanggapin ang posisyon na inaalok sa kanya ng kanyang ama dahil sa nangyari sa kanya five years ago. Parang natatakot na ulit siyang makisalamuha sa ibang tao. Nabaling ang atensyon niya sa isa pa niyang cellphone na nasa bedside table nang mag-ring iyon. Agad niya iyong sinagot. "Midnight speaking," he answered using his codename in military. "It's me, Phoenix," sagot nito mula sa kabilang linya. Si Phoenix ay isa sa kasamahan niya sa military na tulad niya ay naging bihag ng mga terorista at nagawa lang makatakas sa sariling diskarte. Umalis silang tatlo sa military dahil pinaghinalaan silang naging kasapi ng Ali Hatwa kaya sila pinatakas. Sumailalim pa sila sa iba't ibang imbistigasyon at napatunayan nila na mali ang hinala ng mga ito, kaya hindi nila maiwasang magkaroon ng sama ng loob sa goyerno. "I've located the Bloody Flower organization. They immediately trusted me, and I am now a member of their organization. Bud, do you want a lot of money? " anito. "Tell me." "Be a data broker." Alam ni Jayden kung anong klaseng trabaho iyon. It's job that gather and sell someone's information pero isa iyong ilegal na trabaho. "This is our chance, Midnight, to find out kung ano ang ugnayan ng organisasyong ito sa Ali Hatwa. Five years natin hinintay na mahanap sila." "I know," mabilis niyang sagot dahil ito ang pinakahihintay niyang mangyari. "Are you in?" Saglit siyang nag-isip bago tuluyang sumagot. "I'm in."