Abala si Lara sa pagbabasa ng mga feedback ng kanilang mga product tester para sa bago nilang produkto ng may lumapit na guwardiya sa kaniya. Naka-assign ito sa main entrance ng kanilang building.
"Ma'am, Lara para sa inyo may nagpapabigay."
Tumingala siya para alamin kung ano ang bitbit nito.
Pumpon ng puti at pulang mga rosas ang hawak ng guwardiya na agad ding inabot sa kaniya.
"Sino po ba ang nagbigay nito?" tanong niya habang pinagmamasdan ang sariwang bulaklak.
"Galing po 'yan sa delivery man ng isang flower shop. Wala namang binanggit, basta ang sabi ay ibigay ko raw sa inyo."
"Ganun po ba? Sige po maraming salamat," wika niya sabay ngiti.
Tumango lang ito sabay talikod, lumabas na ng opisina para bumalik sa kaniyang pwesto.
"Wow... Ang taray, may pabulaklak si ate." Hila-hi
