NAPAKUYOM ng kamao si Allen habang nakatingin sa mga nakalagay sa lamesa. Nagpabalik-balik ang tingin niya sa mga magulang nito at sa gamit ni Riley. Paano niya ba sasabihin na may anak na siya? Hindi pa siya handang sabihin ito. Akala niya ay ilang buwan pa ang tatagal bago malaman ito ng kaniyang magulang.
Napabuntong hininga si Allen at nakabukas na ang kaniyang bibig para magsalita nang biglang sumingit ang kaniyang tatay.
"Baka naman may dumalaw sa kaniya na may anak at naiwan niya o may inalagaan lang siyang bata," wika ng Daddy niya. Napakagat labi ito nang titigan siya ng seryoso ng kaniyang nanay at kinikilatis. Hindi muna siya nagsalita at hinayaan lang ang tatay nito. Hindi rin naman niya alam ang isasagot.
"Ilang beses ko na siyang sinabihan sa pangbababae niya, hon!" sabat
