“BAKIT ka nakasimangot?” tanong ni Mommy.
Inaayusan ako ng makeup artist ko ngayon dahil mamaya ay irarampa ko ang sikat na branded na bikini dito sa Pilipinas.
“Naiinis lang ako.”
“Kanino ka naman naiinis?”
“Mom, puwede ba ‘wag mo akong pipigilan kapag sinabi ko sa manager ko na ayokong tumanggap ng trabaho kapag kasama si Orly Demarco.”
“Bakit ka ba galit na galit sa kanya?”
“Alam n’yo ang dahilan kung bakit.”
“Hays! Big deal pa rin ba sa iyo?”
“Hindi lang dahil doon. Basta naiinis ako sa kanya.”
“Anong gagawin mo? Hindi mo itutuloy ang trabaho mo ngayon dahil kasama siya?”
Huminga ako ng malalim. “Wala naman akong magagawa kung hindi ang ituloy ito.”
“Baka naman may gusto ka sa kanya?” Nakangiti pa si Mommy.
Tinitigan ko ng masama si Mommy. “Alam mo kung sino ang mahal ko.
