THIRD POV
"NORMAL naman ang lahat ng results ng test na ginawa sa'yo. Basta huwag mo lang kakaligtaan ang mga gamot mo. Eat healthy. Live healthy," sabi ng doktor habang binubuklat isa-isa ang mga papel na galing sa laboratory.
"Salamat po, Dok." Tumayo na si Amanda at nakipagkamay muna sa kaniyang doktor bago ito lumabas ng consultation room.
Ilang taon na din ang nakalipas mula nang gumaling siya sa kaniyang malubhang sakit.
Malaki talaga ang pasasalamat niya kay Camila, dahil kung hindi dahil dito, hindi na madudugtungan pa ang kaniyang buhay.
Nagsakripisyo ang kaniyang kapatid para sa kaniya. Ganoon siya nito kamahal, na nagawa niyang maging surrogate mother, para lang mabayaran ang kaniyang pagpapagamot.
Huminga siya nang malalim. Iniisip kung gaano kalungkot ang kaniyang k
