"Ano?!" balik niyang tanong sa akin at para na nga siyang nahihibang ngayon. Siya pa itong galit na galit sa akin.
Mas lalo lamang siyang nainis dahil hinarang ko ang katawan ko sa lalaking sinuntok niya sa panga.
"Lasing ka na nga!" inis kong sigaw sa kaniya at napasabunot na lang ako sa malambot kong mga buhok dahil sa frustration.
Nakatulog sa sahig ang sinuntok niya at wala man lang itong kalaban-laban.
Lumapit sa amin ang isang bouncer at may kasama itong manager.
Ang yabang-yabang pa niya. Nagpakilala pa talaga ito na kaibigan niya ang mag-ari.
Pinag-uusapan nila ang danyos at napapailing na lang ako habang tinitingnan si Kobie sa pakikipag negusasyon.
Binigay niya ang kaniyang calling card at naglabas na rin ng cash.
Pagkatapos ay nilapitan kaagad ako ni Kobie at hin
