"Blue? Saan ba talaga tayo pupunta? Bakit ang dami mong pinapaimpake na damit kay Manang?" tanong sa akin ni Alessandria habang tinitingnan niya ang mga damit na nilalagay ni Manang sa maleta. Narito kami sa aming kama at nakatanaw kami kay Manang na nasa loob ng aming walk-in closet at nilalagay ang mga damit na napili naming dalhin para sa bakasyon ng isang linggo.
Tig-isa kami ni Alessandria ng maleta at hindi ko alam kung kasya ba ang mga damit na dadalhin namin sa pinaplano kong bakasyon sa Tagaytay City. Hindi niya alam na roon ang tungo namin. Surpresa ito dahil noong isang araw ay tinanong ko siya kung saan niya nais mag-travel if she has given a chance. She answered, Tagaytay City. May gusto raw siyang pasyalan doon at ito ay ang Tagaytay Picnic Grove at People's Park in the Sky.
