Isang humahalimuyak na amoy ng lutong ulam ang gumising sa natutulog kong diwa. Sa hula ko ay inihaw ito dahil sa smokey scent na naaamoy ko sa paligid.
Gusto kong magmulat ng aking mga mata para siguruhin kung tama ako sa aking hinala ngunit naisip ko na baka nananaginip pa rin ako. Puro mga pagkain kasi ang napapaginipan ko lately, simula nang dumating kami rito sa Tagaytay City nang nakaraang araw pa.
Ewan ko ba, puro na lang pagkain ang napapaginipan ko, kaya naman hindi na ako nag-abalang magmulat pa ng aking mga mata dahil baka nasa panaginip pa rin ako at madismaya lang ako na walang mamulatan na pagkain sa aking harapan. Pakiramdam ko nga naglalaway pa ako kaya hindi na ako nag-abala talagang magmulat.
"Wake up you sleepyhead, our dinner is ready." Isang malamyos na tinig ang ak
