Naging mas magulo ang bahay ng mga Robles sa pagdating ni Panyang na saksakan din pala ng pasaway. Kahit papaano ay hindi na laging nakatuon ang pansin ng mga magulang kay Althea bagay na ipinagpapasalamat niya.
"Babe, ayos ka lang ba diyan?" untag ni Luan kay Althea na nagbabasa ng libro na nakahiga sa bench sa may pool side.
Ibinaba naman ni Althea ang librong nakatabing sa mukha at binalingan ang kabilang panig ng swimming pool kung saan naroroon ang mga magulang kasama si Panyang na naghaharutan.
"Oo naman, babe, ayos nga eh, hindi na lang lagi ako ang nakikita nila. Mas magiging abala pa sila kapag dumating na si Kikay. Oo nga pala, wala pa bang balita mula kay Zeus?" untag niya kay Luan sabay bangon sa tabi nito.
"Sabi ay may ticket na sila, inihahanda lang daw niya si Kikay sa m
