Uminat muna si Althea sabay dilat ng mga mata nang magulat siya nang sa pagdilat ng mga mata ay nakitang nakatunghay sa kanya si Panyang, titig na titig sa kanyang mukha.
"Holy cow!" gilalas niya sa gulat.
Maging si Panyang ay nagulat rin sa biglaan niyang pagdilat.
"Pasensiya ka na, hanggang ngayon kasi ay hindi ako makapaniwala na may kamukha ako," anito saka nag-iwas ng tingin.
"Pasensiya ka na rin, nagulat lang ako," hingi niya ng paumanhin kay Panyang. "Ako man din ay hindi rin makapaniwala na sa loob ng 25 years ay may kamukha pala ako, hindi lang isa kundi dalawa pa," palatak na tugon kay Panyang.
"Oo nga pala, ano raw sabi ni Kikay?" usisa nito, napatingin siya sa mukha niya dahilan upang mag-iwas ito. "Nasabi kasi sa 'min ni Jake at nina mama na rin na pinuntahan niyo raw an
