Naging kapuna-puna para kay Althea ang mga panakaw na tingin ng mga kaibigan ng mapapangasawa, medyo asiwa siya sa presensiya ng mga ito pero hindi naman noon matatawaran ang kasiyahan sa mukha ni Luan, marahil ay doon nito napatunayang mahalaga siya sa dalawa sa kabila ng mga busy schedule ng mga ito ay nagawa nilang dumalo sa paanyaya niya.
Asiwa man siya ay pinilit niyang magsaya sa gabing 'yon lalo na nang magsimula na namang mangulit sina Beatriz at Danica.
"Syete! Bakit hindi mo sinabing ganyan kaguwapo ang mga best friends ni Luan, 'di sana ay hindi ko muna sinagot si Jake," bulalas ni Danica na siyempre ay alam niyang biro lang.
"Ay wow, sumbong kaya kita kay Jake," bara naman ni Beatriz. "Since may jowa ka na, ibalato mo na lang sila sa 'kin," natatawang wika ni Beatriz sabay l
