C-13: New Era
1513 Words
As usual pinariringgan na naman ako ni Donya Helena nang makarating na sila ng Don dito sa Villa. At usual din, dinedma ko na lang din ang Donya hindi ko siya pinatulan. Nagtimpi ako kahit below the belt na ang mga sinasabi niya sa akin. Kung bakit hinahayaan ko si Donya Helena na lait-laitib ako? Ng dahil kay Don Arthur, kasi mabait siya sa akin kaya alang-ala sa Don hindi ko pinapatulan ang Donya. Kasi si Don Arthur ang nangbabara at nanenermon sa kanyang asawa.
"Good thing itinuturing ka na niyang asawa, Summer. Akala ko ay magkaiba kayo ng kwartong tinutulugan." Sabi sa akin ni Don Arthur nang bisitahin niya ang kwarto namin ni Alas.
Napalunok ako, pilit kong ikinubli ang guilt sa aking mukha dahil sa pagsisinungaling naming mag-asawa. Ayoko sanang magsinungaling kay Don Arthur nakakahiya dahil sa kabaitan nito. Pero, ayoko namang suwayin at ilaglag si Alas dahil mahal ko siya bilang asawa ko.
"Alam po kasi niyang magagalit kayo," Kimi kong sagot saka ako ngumiti para naman kapani- paniwala ang pagpapanggap ko.
Tumango-tango naman ang Don. Ipinalibot nito ang kanyang paningin sa kabuuan ng Villa.
"This is our family house here in Manila, dito kami lahat namamalagi kapag bakasyon. May condo 'yang si Alas pero ibinilin kong dito ka niya itira. And pinagbawalan ko siyang magpunta sa kanyang condo na hindi ka kasama. I hired someone to watch about him kaya kumpiyansa ako," saad pa ng Don.
Natahimik ako, lihim na nakadama nang saya subalit napapaisip ako tungkol sa condo. Kasi sa mga unang araw ko dito sa Villa may mga gabi at araw na hindi umuuwi si Alas. Hindi kaya doon ito umuuwi kasama si... Daisy? Hindi kaya sila nagsasama doon nang hindi ko alam? Pero sabi ng Don ay may itinalaga na itong tao na magmanman kay Alas. Imposible namang hindi alam ng taong iyon kung magkasama ngang naninirahan sina Alas at Daisy.
"Alam niyo po ba ang address?" lakas loob kong tanong.
Ngumiti sa akin si Don Arthur.
"Sure, hindi pa pala niya sinasabing sa'yo! Give me your phone number at account sa social media," anito sa akin.
Napatitig ako kay Don Arthur, naalala ko ang mahigpit na bilin sa akin ni Alas. Bilin niyang siya lang ang nakalagay na contact niya sa selpon na ibinigay sa akin. Kaya makakaya ko bang suwayin si Alas ulit? Pero, kakampi ko si Don Arthur kailangang may communication kaming dalawa.
"S-Sige po, wait lang po!" Nautal ko pang sagot at mabilis kong kinuha ang aking selpon sa may drawer.
Sa isipan ko ay patawarin sana ako ni Alas subalit kailangang may kontak ako kay Don Arthur in case of emergency.
"Sige hija, magpahinga ka na din at salamat sa masarap na pananghalian." Nakangiting tugon ni Don Arthur at iniwan na niya ako.
Masaya akong inihatid nang tanaw ang papalayong Don patungo sa may guest room na kinaroroonan ni Don Helena. Pagkatapos kasi itong pagalitan ni Don Arthur dahil sa pang-iinsulto niya sa akin ay nagkulong na ito doon sa loob. Bumuntonghininga ako at isinara nang marahan ang pinto ng kwarto ni Alas. Sinulyapan ko ang big size nito kama na kasya ang apat na tao. Nilapitan ko ang kama niya at pinasadahan nang haplos, saka ako marahang humiga. Kinuha ko ang kanyang unan, inamoy ko ito naiwan ang amoy ni Alas sa unan niya. Kapagkuwan ay aking hinalikan ang unan ni Alas saka ko ito niyakap kasabay nang pagpikit ng aking mga mata na may ngiti sa aking labi.
Kinabukasan.
Kasalukuyan akong nag-lilinis dito sa kwarto ni Alas nang mapansin ko ang mga nakasabit na susi malapit sa mga flower frame sa dingding. Natitigan ko ang mga iyon, hinanap ng aking mga mata ang susi ng condo ni Alas. Pero hindi ako sigurado kung alin sa mga iyon ang susi ng condo nito. Napabuntong-hininga ako, kagyat kong kinalimutan ang tungkol sa susi ng condo. Balang araw ay makikita ko din kung alin nga ba sa mga susing iyon ang para sa condo ni Alas.
Biglang may kumatok kaya nagmadali akong binuksan ang pinto.
"Marami ka bang ginagawa? I will bring you to the Triple A Condominium building today," si Don Arthur ang kumatok.
Napanganga ako sa sinabi ng Don. "As in ngayon na po?"
Tumango ang Don.
"Sandali lang tayo, may kukunin lang ako doon na files. Gusto ko lang makilala ka ng Triple A Condominium building." Anito.
"Eh... oho sandali lang po magbibihis lang ako!" Taranta kong tugon.
Nakita ko ang pagtango ni Don Arthur at umalis na ito. Hindi ko maintindihan kung ano ang mararamdaman ko habang ako ay nagbibihis. Pero isa lang ang natitiyak ko, ramdam ko talaga ang pagiging legal Wife ni Alas sa mga sandaling ito. Nagsuot ako ng isang kulay old rose bestida na hanggang tuhod ang haba. Off shoulder iyon at tinernuhan ko ng kulay beige na sandals plus light make up. Light din ang nilagay kong lipstick at pinusod ko ang aking buhok half nga lang. Nang makuntento na ako sa aking outfit ay lumabas na din ako ng kwarto.
"Shall we go?" Tanong sa akin ni Don Arthur nang makababa na ako.
Nadatnan ko siyang nakaupo sa may sala at nagbabasa nang diyaryo.
"Tayong dalawa lamang po?" Nagtataka kong tanong nang kami lang ang nakita kong palabas ng Mansyon.
"Yes. Si Helena ay maagang nagpunta ng hospital at bukas ay discharge na si Alas." Sagot ng Don habang naglalakad kami.
Bigla akong natuwa, ibig sabihin ay magaling na si Alas. Iyon din naman ang hangad ko ang palagi siyang healthy at ligtas sa araw-araw.
"Alam kong ni minsan ay hindi ka pa inilabas ni Alas don't try to cover him. Marami akong mga mata dito sa Villa, Sum." Sabi sa akin ng Don sa paglingon niya sa akin at sabay na kaming lumulan ng sasakyan.
Hindi ako umimik, useless naman na kung magsinungaling pa ako. Gayong alam naman na ng Don ang katotohanan nagpapasalamat pa nga ako at talagang itinuturing na niya akong manugang talaga.
"Kaya po ba isinasama niyo na ako ngayon palabas?" tanong ko.
"Kasama na iyon, Sum. And I want everyone to meet you in person. Kung hindi kaya ni Alas ako ang gagawa," tahasang wika ng Don.
Napaawang ang aking labi na napatitig kay Don Arthur.
"Bakit niyo po ginagawa ito? Bakit po ang bait niyo sa akin?" hindi ko napigilang itanong.
Hindi agad sumagot ang Don bagkus ay bumuntonghininga ito.
"Gusto kong magtino si Alas at gusto ko siyang ilayo sa taong ginagamit lamang siya. Alam kong mabait ka at tunay mong mahal si Alas, kaya ginagantihan ko iyon ng kabutihan. At gagawin ko ang lahat huwag lamang kayong maghiwalay ni Alas at gusto ko, bigyan niyo ako ng Apo." Sagot ng Don pagkatapos ng pananahimik nito.
Naguluha ako, napaisip pero natuwa sa huling sinabi ng Don sa akin. Same sila ng iniisip ni Mang Fabian ang bigyan ng batang magpupuno sa buong Villa ng tawa at kasiyahan. Makakaya ko kaya? Pero saan ako hihingi ng tulong para maisakatuparang magkaroon kami ni Alas ng anak? Alangan namang kay Don Arthur ako lalapit at hihingi ng advice para mapagtagumpayan kong magdalang tao kagaya ng gusto nila?
"Everyone, I need you to meet the Wife of your Sir Alas, Summmer. Alam kong nabalitaan niyo na ang nangyari sa Sir niyo and your Ma'am will take over pansamantala dito." Anunsyo ni Don Arthur nang makarating na kami sa Triple A's Condominium building.
Marami ang nagbulungan, bakas sa kanilang mga mukha ang pagkagulat. Marami din ang napanganga na tumingin sa akin mula ulo hanggang paa. Hindi ko alam kung ano ang kanilang mga iniisip.
"Alam kong nagulat kayo, his marital status is secret. But things happened kaya need lumabas ng Ma'am niyo. Your Sir Alas prefers a sacred private marital status kaya hindi naisa-publiko na may asawa na siya." Sabi pa ng Don.
Walang hanggang ngiti ang ginawa ko sa mga staff ng Triple A kahit pa kabang-kaba ako na nasa kanilang harapan.
"Hindi ba si Ma'am Daisy ang mapapangasawa niya?" Narinig kong sabi ng ilan.
Nagkatinginan kami ni Don Arthur expected ko ng may magsasabi nang ganoon. At tama nga ang kutob ko dahil si Daisy lang naman ang nakikita nila yatang kasa-kasama ni Alas.
"Daisy and Alas relationships are just a show para hindi masabing torpe sa mga babae ang anak ko. Say hi to your Madam and I need your respect for her as you respect your Sir thank you." Pagtatapos ni Don Arthur sa pamumulong niya sa mga employees ng Triple A.
"Ikinagagalak ko kayong makilala at sana magkakasundo tayong lahat dito." Ang tanging nasabi ko sapagkat wala akong ibang maisip na sasabihin.
Bago sa akin ang lahat, wala akong ideya sa mga negosyo pero alindog akong isa akong fast learner noong nag-aaral pa ako. At alam kong taglay ko pa rin ang katangiang iyon hanggang sa nakapag-asawa ako. Nginitian ako ng Don at niyaya niya akong maglibot-libot sa Triple A Building. Masaya akong sumunod sa Don dahil magaan ang aking pakiramdam ay nakaisip ako nang paraan kung papaano ko mapapasok ang condo unit ni Alas.
- Writer
