NASA Charles de Gaulle Airport na kaming tatlo at naghihintay na lamang kami ng flight namin pabalik sa Philippines. Madaling araw nga ang balik namin sa Philippines, mabuti na lamang ay iniwan nina Renzo and Kenzo ang car nila sa NAIA kaya makakasakay agad kami mamaya.
“Nagugutom ka na ba, my Rosalie?” pagtatanong ni Renzo sa akin.
Tinignan ko siya at umiling. “Busog pa po ako,” saad ko sa kanya.
Sa totoo lang hindi ko alam kung gutom ba ako or busog. Basta alam ko ay kinakabahan ako dahil kay uncle Devon.
Nag-chat siya sa akin na papunta na raw sila ni Criza rito sa airport.
“Kinakabahan ka ba sa pagdating ng uncle mo, my darling?”
Napataas ang tingin ko kay Kenzo. “No! Why should I be nervous, huh? Si uncle Devon lang naman iyon kaya no way na mane-nervous ako!” sabi ko sa kan
