Irene
"Hindi nagkakalayo ang dalawang mukha, mata at cheekbone lang ang halos pinagkaiba ng kanilang hitsura. No wonder you are the perfect person to do the operation. Hindi kailangan nang maraming babaguhin," sunod-sunod na saad ng doktor habang hinahawakan ang aking pisngi.
Sa kabilang kamay niya ay hawak ang litrato ng orihinal kong hitsura, saka muling sinusuri ang aking mukha.
Ilang araw matapos kong ipagtapat kay Albie ang lahat, inalok niya ako na magtungo rito sa kakilala niyang cosmetic surgeon at sinabi niyang kaunti lang ang babaguhin upang bumalik sa dati ang aking mukha. Hindi raw maaaring baguhin lahat, maging ang kutis at kilay dahil baka tuluyang ma-damage ang tissue.
Ang totoo, labis ang kaba na aking nararamdaman, ngunit kung ito ang tanging solusyon upang maipagpatul
