NAHIMASMASAN si Jhen nang mapansing muli sanang susuntukin ni Leandro si Zack. Dagli niyang kinapitan ang kaliwang kamay nito na sana’y isusuntok sa nakasalampak sa sahig na si Zack.
“Tama na!” awat niya rito.
Nasa mga mata pa rin ni Leandro ang galit. Nanginginig ang kamay nito. Napigilan niya ito ngunit siya naman ang binalingan nito. Iniwaksi nito ang kamay niya.
“He drunk, hindi mo ba napansin?!” asik nito.
“Alam ko!”
“E bakit hindi mo man lang siya maiwasan? Paano kung hindi ako dumating, ha? Malalabanan mo ba ang tukso? Ni hindi ka man lang nagpakita ng pagtutol sa kilos niya!”
Hindi niya malaman kung paano ipaliwanag ang nangyari sa kanya bago dumating si Zack. “Hindi ko maintindihan ang nangyari sa akin kanina. Namalayan ko na lang na yakap ko si Zack,” aniya.
Tumawa ito nan
