HINDI na pinatulog si Jhen ng konsensiya niya, makalipas ng tatlong araw ay hindi pa umuuwi si Zack magmula noong gabing umalis ito. Pero hindi pa rin siya umurong sa desisyon niya. Inaasikaso naman niya ang kanyang papeles para sa kasal nila ni Leandro. Pumayag siya kahit sa huwis lang sila ikakasal ni Leandro. Ayaw rin nito ng magarbong handaan. Pero siyempre, alam ng lahat ang balak nilang pagpapakasal, bagay na ikinagulat ng lahat na manggagawa. Si Anna lang ang pinagsabihin niya ng totoo tungkol sa pagpapakasal niya kay Leandro.
Makalipas ang halos dalawang linggong preperasyon ay dumating na ang takdang araw. Hindi maintindihan ni Jhen bakit siya kinakabahan. Parang totoo na ikakasal siya sa lalaking mahal niya. Ang kaba niya ay may halong pananabik. Mabuti na lang gabi ang pagdiriw
