KUMALMA ang inis ni Jhen nang mawala sa paningin niya si Leandro. Tahimik siyang nakasunod kay Zack. Pagdating sa pasilyo ng second floor ay biglang huminto si Zack. Napahinto rin siya may isang dipa ang pagitan dito. Pagkuwa’y hinarap siya nito. Naniningkit ang mga matang nakatitig ito sa kanya.
“Can you tell me the truth, Jhen? Ano na ang estado ng relasyon ninyo ni Daddy?” usig nito.
Napalunok siya. “Wala nga kaming relasyon. Ano bang gusto mong sabihin ko?” aniya.
“Wala pa rin?” Tumawa ito nang pagak. “Huh! Ano naman ang tawag mo roon sa nangyari sa inyo sa kuwarto mo noong gabi na pinapunta mo ako roon? Obvious naman na may nangyari sa inyo, eh.”
Hindi siya kaagad nakaimik. Bigla na lang nag-init ang mukha niya. Hiyang-hiya siya kay Zack. Ilang araw na ang nakalipas pero noon lan
