Callix's pov:
Nang marating ko ang ikalawang palapag, hinagip ko ng tingin ang mga tauhan ng Ares na nakakasalubong ko. Kinapkapan nila ako kanina nang pumasok ako at inaasahan na namin ‘yon kaya naman hindi talaga kami nagdala ng baril.
Kailangan ko ng armas na magagamit, saan nga ba ako makakakuha no’n?
Marahan akong naglakad pa at dalawang tauhan ng Ares ang nakasalubong ko. Napangisi na lang ako nang makita ang isa sa kanila na may nakasukbit na M24 sa balikat nya! Isa ‘yong uri ng baril na ginagamit sa long-range shooting! Napangisi ako sa isiping… mukhang sinuswerte pa rin ako!
Nang mapansin nila ako ay tinignan nila ako ng matalim. Patuloy lang ako sa paglalakad hanggang sa magsalubong na kami ng aming kanya-kanyang lakad. Nang nasa gilid ko na sila ay humakbang pa a
