Kabanata 75
"Ay sus! Ako pa talaga lolokohin mo Lucia. Normal lang iyan ano, wala namang masama roon," nakatawang asar pa ni Merna sa kanya.
"Ano ba Merna! Wala kasi! Ito talaga oh!"
"Oo na! Sus! Ilibre mo na lang kaya ako sa labas? Bigla akong nagutom eh." Siya naman ang natawa ng malakas. Inakbayan niya si Merna.
"Saan mo ba gustong kumain?"
"Ay sosyal! Nakaluwag-luwag ka na ngayon, Day?"
"May natira pa naman. Huwag kang mag-alala, sakto ang savings ko at may maipapadala pa naman ako bukas."
"Good! Bait naman ng kaibigan ko!" puri pa ni Merna sa kanya. Ginulo niya lamang ang buhok nito na ikinayamot naman nito ng mukha. Natawa lamang siya at lumabas na sila ng building.
Nasa entrance na sila nang bigla na lamang lumapit sa kanya si Jefferson. Nanlaki ang kanyang mga mata.
