Kabanata 123
Nang dumaan si Liz ay tinawag niya ito. Isa itong kitchen staff at ito ang papalit sa kanya na magkahera mamaya.
"Liz, puwede bang palitan mo muna ako? May gagawin lang ako saglit," pakiusap niya.
"Oo naman, walang problema Lucia."
Pagkatapos niyon ay pumasok na ito habang siya naman ay agad din na kinuha ang kanyang saklay at lumabas.
Diretso siya agad na lumabas ng canteen at tinungo ang elevator. Kinuha niya ang kanyang cellphone at muling tinawagan si Merna. Ngunit nakailang dial na siya pero ayaw pa rin nitong sagutin ang tawag niya.
Nakagat niya ang kanyang ibabang labi. Marahil ay busy si Merna sa ginagawa nito. Marahas siyang napabuga ng hangin.
Huminto naman ang elevator sa thirteenth floor. Nang nagbukas ito ay nagkagulatan pa silang dalawa ni Vina at h
