Kabanata 157
"Anak, magaling pala sa gawaing bukid itong si Renzo," salubong na wika sa kanya ng kanyang amang si Doming. Hilaw naman siyang ngumiti pero alam niya ang totoo. Nagpapakitang gilas lang ito sa pamilya niya at para na rin makuha ang loob niya ulit.
"Akala ko nga ate, maarte e," segunda pa ni Michael.
"Nako hindi! Kapag may gusto ka pang i-utos 'tay, sige lang!" suggest niya pa.
"Tamang-tama ate, may kukunin kaming mga tubo ni itay," ani pa Michael. Nag-approved signed naman siya.
"Tawagin mo na iyon anak, nang makakain na," wika pa ng itay niya. Agad naman siyang tumango at lumapit sa kinaroroonan ni Renzo.
"Tama na iyan! Kakain na tayo!" tawag niya. Nilingon naman siya ni Renzo at tumigil din naman ito sa ginagawa. Pagkatapos ay lumakad na ito palapit sa kanya. Wala
