Kabanata 140
NANG makapili na silang dalawa ni Merna ay agad din naman silang nagpalit na at nag-ayos ng kanilang mga sarili. Pagkatapos niyon ay agad din naman silang lumabas ng kayang condo unit.
Nang makita pa sila ni Jefferson ay halos ayaw nitong lumubay ng titig kay Merna. Mukhang nagagandahan yata ito lalo kay Merna. Bahagya niyang siniko si Merna sa kaliwang tagiliran nito.
"Gandang-ganda sa iyo oh. Kulang na lang, maglaway," asar niya pa kay Merna.
"Lucia, ano ba, gaganahan ako niyan e," pabulong namang sagot ni Merna sa kanya. Umandar na naman ang pagiging mahalay nito. Natawa lamang siya at sumakay na sila sa loob ng sasakyan. Pinaandar din naman ito agad ni Jefferson at agad din naman silang umalis.
NANG nasa LaZo Bar na sila ay agad din naman silang bumaba ng sasakyan
