~Hunyo 22, 1890~
Batangas
~Fidel~
“Senyor Fidel, nais mo bang matikman ang niluto kong patabol?” tanong ni Binibining Dolores na siyang dahilan upang maalis ang atensyon ko sa itaas kung saan naroon ngayon sina Senyora Felimona at Senyor Rafael.
“Oo naman Binibining Dolores.”
Hindi ko malirit kung bakit ba ang laking bagay sa akin ngayon ang makitang nakangiti si Senyora Felimona habang magkausap sila ni Senyor Rafael.
“Senyor Fidel?”
“Naku pasensya ka na Binibining—“
“Huwag mo na akong tawagin na Binibining Dolores senyor bagkus ay tawagin mo na lamang akong Dolores,” pakli nito na siyang dahilan upang marahan akong ngumiti at tanguhan siya.
At ngayon ngay iniabot na nga niya sa akin ang nakabalot sa dahon ng saging na patabol o isang uri ng kakanin na tila nilagyan ng tinunaw
