~2016~
"H—hello?" agarang sagot ni Python sa kabilang linya.
"Sino itong aking kinakausap? Tauhan ka ba ng aking papá? Nariyan ba ang aking papá?" sunod-sunod na tanong ni Amalia na mukhang nagtataka na dahil kaboses din ng kausap niya ngayon ang kumausap sa kaniya noong isang linggo.
"A—anong petsa na ngayon?" nag-aalangang tanong ni Python na dahilan para kumunot ang noo ni Amalia na ngayon ay takang-takang sa itinatanong sa kaniya ni Python. Dahil iyon din nga ang eksaktong itinatanong nila sa kaniya noong huling tawag.
"Ika-4 ng Hulyo taong 1950 ang petsa ngayon. At bakit iyon ulit ang itinatanong mo sa akin ginoo? Maaari ko bang malaman kung anong pakay mo at ng iyong kasama? Dahil talagang nagtataka na ako sa inyong mga itinatanong. Alam niyo ba kung nasaan ang aking papá? May ki
