~Hulyo 5, 1950~
"Gilid, daraan si Don Carlo," ani ng isang lalaki na ngayon ay pinapagilid ang mga taong nakaharang sa daan papunta sa bangkay ng namatay na Don Caloy de Ayala.
Gwardya ito ni Don Carlo de Ayala na siyang kasalukuyang alkalde ng San Nicolas. At bukod dito ay isa rin nga ang Don sa mga kapatid ng ama ni Amalia.
"Elizabeth, anong ginagawa mo rito?" gulat na tanong nito sa kaniyang pamangkin pero imbes na sagutin siya ni Amalia ay mabilisan siyang niyakap nito habang humahagulgol dahil sa pagkamatay ng kaniyang papá.
"T—tiyo wala na po ang papá," saad nito na halos hirap na sa pagsalita dahil panay nga ang hikbi nito.
Napatingin naman si Carlo sa mga pulis upang kumpirmahin kung totoo nga ang sinabi ng kaniyang pamangkin at tumango ang mga ito bilang kumpirmasyon na ang n
