TINANGKA ni Marco na sundan sa kuwarto nito si Leslie pero pinagsarhan na siya nito ng pinto. Kumatok siya pero hindi siya pinagbuksan. Hindi siya umalis sa tapat ng pinto. Maya’t-maya ang katok niya.
“Sweetie, alam ko gising ka pa, pakibukas naman, oh,” hindi natimping samo niya.
Wala siyang narinig na sagot. Kumatok ulit siya. Mamaya ay may lumusot na papel sa siwang ng pinto sa ibaba. Napaatras siya saka dinampot ang papel na may nakasulat na malalaking litra na nagsasabing… “PLESE DO NOT DISTURB”
Napamura siya. “May asawa bang ganoon?” tanong niya sa hangin. Kinatok pa rin niya ang pinto. “Leslie! Bubuksan mo ang pinto o hindi? Papasukin na kita!”
Makalipas ang ilang sandali ay bumukas na ang pinto pero kalahati lang ng mukha nito ang nakasilip sa makitid na siwang. Mahayap ang ti
