LEXXIE
KUNG hindi sa trabaho, apartment at sa bahay namin na lang ako nitong nagdaan. Hindi ako sumasama sa aking mga kaibigan kahit na anong yaya nila sa akin. Iniiwasan ko lang talaga si Ian. Talagang dapat iwasan kasi iba na ang ikinilos niya sa akin nang gabing iyon. Hindi man lang niya naisip na may nobya siya. Ay, wala nga pala siyang pakialam dahil gusto pa nga niya akong madamay.
Kaloka, ‘di ba? Gusto pa niya akong mapasama sa harap ni Rhea.
Napabangon ako mayamaya nang marinig ang doorbell. Nilapag ko muna ang librong binabasa ko na sinulat ni Ismael at sumilip sa bintana.
Napangiti ako nang makita ang pumpon ng bulaklak sa may gate. Tumingin din ako sa telepono ko na noo’y nagri-ring na. Kaagad ko iyong sinagot nang makita ang nakapangalang naka-register.
“Magtrabaho ka na
