NICCOLO'S POV
Tahimik na pinagmamasdan ko ang Boss ko habang masaya silang naghahapunan ng kanyang bagong nobya, si Miss Rhea. Nandito sila ngayon sa isang mamahaling restaurant. Napaingos pa ako nang tingnan silang muli. Hindi ko alam sa sarili ko kung bakit ang bigat ng dugo ko sa nobya ni Boss. Mukha naman itong mabait at maasikaso pa sa nobyo. Sadyang hindi lang nito nakuha ang boto ko, iba pa rin si Lady Lexxie.
Napabuntong-hininga pa ko ng maalala na naman ang nangyari sa Kinshasa, dahilan para magkasira ang Boss at si Lady Lexxie. Ako ang nanghihinayang para sa dalawa. Alam kong malalim ang pagtingin ng Boss para dito, kakaiba ang trato ng Boss dito kumpara sa mga naging babae lang nito. Hindi naman niya ako uutusan na bantayan at sundan nang sundan si Lady Lexxie kung wala itong
