LEXXIE
KAAGAD na tinago ko ang kamay ko sa likod ko nang lumabas kami sa elevator. May mga dumaan kasi na mga guest. Wala lang kay Ian kaya ako na lang mag-adjust. Baka mamaya may makakilala sa amin dito at magtanong kung bakit nakaposas kami. Hindi ko rin alam ang isasagot ko.
"Kung anong kalokohan naman ang nasa isip mo, Ian. Paano kung may makakita sa atin dito at makarating sa magulang ko, huh?"
"Eh 'di, maganda," sagot niya sa akin na ikinahampas ko sa braso niya. Pero wala lang sa kanya.
Hindi niya ako nililingon noon dahil inilabas niya ang keycard. Nilingon niya lang ako matapos niyang buksan ang pinto.
"Ewan ko sa 'yo, Ian. Gusto ko pagdating sa loob, tanggalin mo itong posas natin."
"Pag-iisipan ko pa." Sinamaan ko siya nang tingin sa sinagot niya.
Nang makapasok kami ay h
