Eliza's POV
Tuluyan na nga akong lumabas ng kotse ni Keanne ngunit ang hindi ko inaasahan lumabas rin naman siya sa kaniyang sasakyan.
"Keanne, saan ka pupunta?" tanong ko sa kaniya. Naglakad siya palapit sa akin at hinapit ang aking bewang.
"Gusto kong makita ang loob ng studio." tipid na sagot niya tsaka naglakad na kaya wala rin akong nagawa kundi ihakbang ang aking mga paa.
Wala siyang imik habang ako napapatingin na lang sa paligid dahil sa bawat nadadaanan namin napapatingin sa amin. Sinong hindi mapapatingin kung hapit niya ang bewang ko habang naglalakad kami.
Pumasok kami sa elevator. Kaming dalawa lang sa loob kaya kampante ako sa pagiging clingy niya. Hanggang sa bigla na lamang niya akong isandal at walang pag-aalinlangan akong hinalikan.
Namilog ang aking mga mata.
