Eliza's POV
Nakatulog pala ako. Pagkatapos lumabas ni Keanne kanina ay humiga ako sa kama. Hindi ko akalaing makakatulog ako. Ang balak ko lang naman ay humiga lang at mag-ce-cellphone.
Nagising na nga lang ako sa sunod-sunod na mga katok mula sa pinto.
"Ma'am..." boses iyon ng isa sa mga maids.
Nang balingan ko ang wall clock. Saktong alas siyete na ng gabi. Dahan-dahan akong bumaba sa kama. Hindi ko na ginamit pa ang wheelchair. Nakakalakad naman ako. Yon nga lang nahihirapan.
Binuksan ko ang pinto. Tumambad sa akin ang isang maid.
"Hello po, Ma'am dala ko po ang dinner at gamot mo." nakangiting sabi niyo. Dala niya ang tray na may pagkain na laman.
"Pasok ka." nilakihan ko ang awang ng pinto. Pumasok siya sa loob. Lumapit sa mesa para ilapag doon ang tray. "Kanina ka pa ba?"
