Kinabukasan, nagising si Lorraine na nanlalabo ang paningin at tila magang-maga ang kanyang mga mata. Bumangon siya upang tingnan iyon sa salamin. Oh my God! Para akong sinampal ng sampung beses! Para rin akong naka-drugs. Ilang baldeng luha ba ang inilabas ko kagabi? Gulat siya nang makita ang sarili sa salamin. Magang-maga at namumula kasi ang mga mata niya. Agad siyang pumasok sa banyo upang maghilamos at maibsan na rin ang pamamaga ng mata niya. Matapos maghilamos, bumaba si Lorraine kahit na namumula at namamaga pa ang mata.
Nasa huling baitang na siya ng hagdanan nang makita niya si Manang Nympha na nagmamado sa mga kasambahay.
"Miss Lorraine, anong nangyari sa mga mata mo? Umiyak ka ba?" tanong nito nang makalapit sa kanya at makitang namamaga at namumula ang kanya mga mata.
"Ma
