“AQUILA! mayroon akong nais ibalita.”
Kaagad na nilingon ni Aquila ang kapatid na si Amethyst. Humahangos itong lumapit sa kaniya at may pangamba sa mga matang tumingin sa kaniya. Hindi niya batid ang tunay na dahilan subalit ang tingin nito ay lubhang kakaiba.
“Ano ang bagay na iyon?” tanong niya rito na pilit inalis ang kung anong iniisip dahil sa nakitang pangamba sa mata ng kapatid.
“Aquila, mayroon akong nalaman matapos kong matungo sa sangay ng mga nagdaang babaylan ng ating nasasakupan.”
“At ano ang dahilan kung bakit ka nag tungo roon?”
“Hindi na mahalaga pa, ang aking ipababatid ang tiyak na mas mahalaga.”
“Ano ito?”
Sandaling huminto sa pagsasalita ang kaniyang kapatid matapos ay bumuntong hininga.
“Tungkol ito sa nag-iisang anak ng yumaong babaylan na si Salim. Na
