MAAGANG nagising si Helios nang sumunod dahil sa kanyang alarm clock. Ngayong araw niya balak samahan si Amethyst sa binabalak nitong pag hahanap sa sinabi nitong dating nobyo. Ngunit, hindi niya batid kung isa itong tao o kapwa nito nag mula sa kanilang mundo.
Hindi siya makapaniwalang hindi nang gulo si Amethyst kahapon, nanatili ito sa kanyang unit mag hapon. Hindi niya tiyak kung ano ang ginawa nito. Isa lang ang alam niya, nag-aaral iyo ng iba't-ibang librong kanyang nakuha sa mundo ng mga tao at sa kanilang mundo.
Kaagad siyang bumangon at nag almusal. Sandali siyang nanibago dahil hindi niya naabutan si Amethyst sa kanyang sala. Madalas kasi niya itong mabungaran sa kanyang sala tuwing umaga. Kung hindi naman ay nasa loob ito ng kanyang maliit na library sa loob ng kanyang unit.
