"I will not attend this college night, Ate," Mariin niyang sabi sa kapatid na kasalukuyan niyang kausap via Skype.
Sabado ng umaga ngayon pero imbis na naghahanda siya para nasabing school event, ayun at nakikipag-diskusyon sa kapatid niyang ilang milya din ang layo sa kanila ngayon. Pinipilit kasi siya nito na mag-attend doon para naman maiba ang ginagalawan niyang mundo. Hindi iyong libro o 'di kaya si Keith lang daw ang kasama niya. Ayaw niya na kasing subukan dahil sa takot na baka mapahiya siya ulit gaya noong mga naunang experience. Dito na lang siya sa bahay nila, manonood o 'di kaya naman ay magbabasa ng mga libro.
"Yngrid, iba yung noon sa ngayon. Kung hahayaan mo na lamunin ka ng takot mo, walang mangyayari sa 'yo. Paano ka haharap sa mas marami pang tao? What will you do when
