“Bakit ka nandito?” tanong niya sa babae. Hindi tuloy siya naniniwalang negosyo ang dahilan kaya naririto ngayon sa opisina niya.
“I told you, gusto kong PIFC ang hahawak sa account ng aking kompaniya,” anito na matiim ang tingin sa kaniya hanggang sa unti-unti itong tumawa. “Bakit, natatakot ka ba sa sarili mong multo?” maang na wika pa nito. Napalunok si Darius saka tumingin rito.
“Mas mainam na sigurong sa ibang kompaniya ka—”
“Come on? Akala ko ba ay magaling kang negosyante, bakit mo ako ibibigay sa iba?” bara nito.
“Faith, wala akong panahon ngayon. Kung nandito ka para singilin ako sa aking mga pagkakamali noon. Well, I’m sorry, hindi ko iyon sinasadya,” wika rito at nakitang ngumisi ang babae.
“Hindi sinasadya? Ang alin, ang pagpustahan ako? At ako naman si tanga, dalang-dala
