Naging mabilis ang takbo ng araw. Unti-unting binabalik muli ni Darius ang tiwala ng mga nasirang kliyente, maliban sa Benitez Food Enterprise. Hindi pa man ganap na naibabalik sa dating katayuan ng kompaniya ay masaya na rin siya na sa wakas ay unti-unting naibabangon ito.
“Good morning, Sir,” bungad ng kaniyang sekretarya.
“Good morning too, Mrs. Lopez,” pormal na bati rito upang ipaalala rito kung sino ito at ano ang estado nito. Ayaw niyang magkaroon ng anumang hindi pagkakaunawaan sa asawa lalo pa at araw na lamang ang binibilang nila ay lalabas na ang kanilang unang supling.
Nakitang nagyuko ito ng ulo at nang nasa may pintuhan siya ay narinig ang tinig nito. “S—sir, may bisita po kayo. Miss Benitez is here,” nahihiyang wika nito.
Napatitig siya rito, nahihiya itong nagyuko. “Sal
