“Nice to see you again, Mr. Mauritius,” turan ng kaniyang panauhin. Sabay abot ng kamay nito bilang pagbati.
“Same here, Mr. Galvez,” tugon naman saka kinuha ang palad nito. “I know, mahirap itong ipapagawa ko sa’yo this time. Pero naniniwala ako sa kakayahan mo,” maigting na wika rito. “Dalawang milyon, hanapin mo kung sinuman ang gustong pumatay sa akin,” aniya saka tumayo sa kaniyang desk.
“May ideya ka ba kung sino ang gustong pumatay o magpapatay sa’yo?” dinig na tanong ng kaniyang imbestigador.
Lumingon siya rito at napaisip. “Pauleen Crisologo, dating kasintahan ni Christiano Marcos,” aniya.
“Na dating kasintahan ng asawa mo?” dugtong nito.
“Exactly, akala niya ay sinulot ni Kendra si Christiano pero sa totoo lang ay tila hindi ako kumbinsidong siya ang may kagagawan nito,” ba
