Nagising si Zachi nang maaga kinabukasan. Hindi pa siya fully nagigising talaga at kinukusot pa niya ang mga mata nang pagtingin niya sa tabi ay wala na si Joseph. Agad na kumunot ang kanyang mga mata. Hinila niya ang kumot papunta sa kanyang dibdib para mas matabunan iyon. Huminga siya nang malalim at saka iginala ang buong tingin sa paligid. Inabot niya pa ang cell phone sa may bed side table para tingnan ang oras.
Alas sais pa lang ng umaga pero wala na ito kaya mas lalo siyang nagtaka.
“Love?” tawag niya pa pero walang sumagot. Dahan-dahang bumaba siya ng kama at nilibot ang buong apartment peor wala talaga si Joseph doon. Nagpunta na siya ng CR at pati ang labas ay kanya nang sinilip pero wala roon ang lalaki.
Bumalik siya sa kama at saka umupo roon. Kinuha niya ang cell phone a
